العربية مش راضية تدور
 

السلام عليكم
العربية موديل 2011 و يا دوب مكملة ال 10000
و كانت بتدور عادى جدا و معملتش اى مشاكل
مرة واحدة امبارح جاية اخرج الصبح مرضتش تدور و كنت لسه خارجة بيها قبلها بيوم بالليل
المهم وقفت سواق تاكسى
فتح الكبوت و قالى مفيش اى مشاكل ديه شرقانه بس
و داس بنزين على الاخر و دارت
رحت بيها كذا مشوار و كل مرة تدور عادى بعد ما ابطلها
و بعدين رحت مشوار و قعدت حوالى ساعتين
اجى ادورها مش راضية
اتصلت بزوجى و قلت له ممكن تكون شرقانه بس انا مش عارفة ادورها
المهم جه و حاول يدورها معرفش
المهم فتح الكبوت و فك العمة دارت
قالى بطلى عشان اربطها
ربطها و حاولنا ندورها معرفناش
ففك العمة تانى و دورها و ركبها و هى دايرة و روحنا البيت
قدام البيت قعد يدورها كذا مرة دارت عادى
الصبح مرضيتش تدور
انا كده كده هوديها تعمل صيانه ال 10000 بس عندى مشوار مهم بكره و عايزه حل سريع
المشكلة ان زوجى كان مشغول اليوم
و اللى معقدنى انه بيقولى مفهاش اى مشكلة لا بوجهات و لا بطارية و لا اى حاجة خالص
و مفيش اى سبب يخليها مش تدور .
و هو عنده خبرة جامدة فى المكانيكا و يا ما فك و ركب .

يا ريت لو فيه حاجة ممكن تكون على بال حد يقولى

رد: العربية مش راضية تدور
 

هو اكيد فيه مشكلة فى الجزء المسئول عن ظبط نسبة الهوا للبنزين و العربية باردة
معرفش فى الماروتى حيبقى
شفاط يدوى
اتوماتيك شوك شغال بمياه الرادياتير
صمام ايدل بس ده غالبا فى الانجيكشن بس

و يفضل فى صيانة ال 10 الاف هما اللى يصلحوها فى الضمان

رد: العربية مش راضية تدور
 

شكرا على الرد و الافادة
هو المشكلة عقبال ما اكلم الضمان و احجز فيها يومين
و بعدين اللى مستغرباه هو انها فجأة و بدون اى مقدمات مترضاش تدور ابدا بالشفاط أو من غير
و كمان المشكلة كانت موجودة قبل ما زوجى يفك العمة لو كانت بعدها كنت هقول المشكلة فى الربط
و بعدين دارت لما رجعت يعنى فعلا بعد ما سخنت
هو انا من يوم ما جبتها مش بعرف ادورها بالبنزين " لأنى مستجدة "
افتح الشفاط و ادورها و بعدين انزله للأول لغاية اما تسخن

رد: العربية مش راضية تدور
 

للمتابعة وربنا يهديهالك.
هوا حضرتك ذكرتي الموديل ونسيتي نوع اغعربية ولا انا الي ماخدتش بالي وانا بقراء الموضوع.

رد: العربية مش راضية تدور
 

هو حد قريبى كلمنى قالى ممكن يكون فلتر الهواء
هو فعلا زوجى قعد ينفضه من التراب
يمكن شوية التراب دول اللى مزعلنها
احطلها شوية غيرهم :129E17~143: