|
اساتذة التعديل (Audi PPI)
فيه ناس عنده تصور ان تعديل العربيات ده مجرد هواية او ترويش للعربية بشوية اكسسوارات بغرض ان شكلها يبقى مميز عن باقيت العربيات من نفس الموديل فى الحقيقة ده مش تعديل خالص ده اسمة Styling لانك بكده مش بتغير فى طبيعة العربية انت بس بتضفى عليه الطابع Style الخاص بيك وبذوقك لاكن التعديل او ال Tuning ده بيبقى اعادة تصميم للعربية بغرض اضفاء ميزات خاصة بها فممكن يبقى التعديل بغرض اضفاء طابع رياضى للعربية وده ساعتها هيشمل تعديل للمحرك او اضافة قطع لتعزيز ادائه وده بيتطلب تعديلات تانية فى الات الجر والفرامل ونظام العادم علشان تتوافق مع القوة الزيادة المستحدثة فى العربية اخيراً تعديلات فى تصميم العربية زى دعامات للشاسية او بودى كيت لتحسين اداء العربية الايرودينامكيى وده يخلينا نعرف ان التعديل عمليه هندسية متشابكة الهدف منها تحسين اداء السيارة ككل لاسيما طابع وتصميم وشكل السيارة سواء الداخلى او الخارجى وفى عالم التعديل اساتذة متخصصون فى فنون وعلوم التعديل استطاعوا ان ينشؤوا مدارس وشركات خاصة بتعديل سيارات بعينها احيانا وعلى سبيل المثال كلنا نسمع عن الفيات الابارث وابارث ديه ماهى الا شركة تعديل متخصصة فى تعديل سيارات فيات وكذلك AMG المتخصصة فى تعديل موديلات مرسيدس والامثلة كثيرة من خلال السلسة ديه هنحاول نستكشف ونتعرف على عمالقة صناعة التعديلات العالميين ونشوف مع بعض فلسفاتهم فى التعديل ونتعرف على تاريخهم وابدعاتهم يارب السلسة ديه تعجبكم والمشاركة مفتوحة للجميع |
اساتذة التعديل (ppi نجمة اودى)
PPI هى شركة التعديل المعتمدة والاشهر لموديلات اودى جميعا انشئت الشركة فى 1973 على يد مهندس يدعى بنيامين ابراهام وهو حتى الان يقوم بمهام رئاسة الشركة
وبرغم ما تتمتع به موديلات اودى من كل سمات التفوق والتميز على مستوى الفخامة والتصميمات الفخمة المميزة الا ان PPI ترى دائما ان هناك المزيد من الاتقان والاهتمام بالتفاصيل بل وتجويد الخامات يمكن ان يضاف لسيارات اودى وتعمد فلسلفة PPI كما هو اسمها Precision Performance Individuality على الجوده المتناهية وتعديلات الاداء بغرض اضفاء خصوصية فريدة لموديلات اودى و لتعديل الاداء تقوم PPI بتعديلات على كل ما يلى - المحرك لرفع ما يخرجة من طاقة وقدرة كذلك نظم تغزية الهواء ونظم اخراج العادم - نظم الفرامل ونظم التعليق وكذالك نظم التوجيه والتحكم بالثبات بالاضافة الي التعديلات الالكترونية بكل انواعها كما تتميز الشركة بسخائها فى استخدام المواد عالية الجودة وفى مقدمتها الياف الكاربون والالومونيوم مما يعزز سمة الجودة فى كل منتجاتها كما تتيح الشركة لعملائها خيارات غير محدوده من الاقمشة والمواد المستخدمة فى التصميم الداخلى للمقصورة بما يؤكد شعار الشركة فى الخصوصيه المطلقة ومن اشهر الموديلات المعدلة للشركة والتى لاقت رواجا كبيرا فى الاؤنة الاخيرة موديل PPI RSTT وهو الموديل المعدل ل Audi TT و موديل PPI A8 EXECUTIVE المعدل لموديل Audi A8 وموديل PPI PS Q7 المعدل لموديل Audi Q7 اسيبكم مع الصور لتستمتعوا بلمسات PPI على تحف اودى |
رد: اساتذة التعديل (سلسلة)
تحفة والله تسلم الايادى الصور روعة والموضوع شيق جدا فى انتظار البقية
|
رد: اساتذة التعديل (سلسلة)
ان شاء الله اوعدكم باستكمال الموضوع بعد الانتهاء من الانتخابات
|
رد: اساتذة التعديل (Audi PPI)
مشكوووووووووووووووووووووو ووووووووووووووووووووووووو وووووور
|
| الساعة الآن 03:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017