مصر موتورز مجتمع السيارات - تجربتى مع تعديل نظام الإشعال ..... حكايتى مع الموبينة

السلام عليكم ورحمة الله وبركاته
إخوانى وأخواتى في المنتدى الكريم
تحية طيبة وبعد

مرحبا بكم في سلسلة حكايتى ، اللى بأشرح فيها تجاربى الميدانية في مجال السيارات

لكى لا أطيل عليكم ، انا كان عندى مشكلة من فترة في نظام الإشعال
وطبعا لأنى من ألتراس الأبلاتين والكوندينسر الحمدلله طورت نظام الإشعال ليصبح قريب جدا بل وأفضل من النظام الإليكترونى وده لأن المشط الإليكترونى غالى ومضروب

الصراحة انا قعدت أكتر من ساعة وكنت بجهز في الموضوع ليتم شرحه بطريقة أفضل وأحسن لكن مع الأسف الكمبيوتر فصل والموضوع التانى راح بجد كان مجهود ساعتين
لكن انا هديكم المفيد وأرجو منكم الدعاء لى ولأبنتى بالصحة والستر والرزق

اللهم صل على سيدنا محمد ، لا إله إلا انت سبحانك إنى كنت من الظالمين

الموضوع بإختصار هو تغيير الموبينة الكوز القديمة اللى كانت عندى وصورتها أهى :
http://i00.i.aliimg.com/photo/v0/514..._GT_63_FOR.jpg

وطبعا كانت ضعيفة ومابتحرقش البنزين كويس
عشان كده لما توفرت الإمكانيات إشتريت الموبينة السودا اليابانى دى :
http://upload.ecvv.com/upload/Produc...8141329238.jpg

ومعاها الكوندينسر الخارجى ده بتاع البيجو ال504
ووظيفته انه بينعم التيار وبيعلى أداء الموبينة

http://www.bigqinc.com/images/ae0003/AE000394.JPG

طبعا بعد ما سألت واحد متخصص ميكانيكا في طريقة توصيل الموبينة دى لأنى ماكنتش متأكد من بعض الحاجات في توصيلها البعيد اتريق عليا وقاللى مش هتعرف ، انا مابعرفشششش

كبرت في دماغى والحمدلله وصلتها لكن اللى ناس كتيرة ماتعرفوش ان الموبينة دى فيها مقاومة والكهربا اللى داخله عليها من كونتاكت العربية بتبقى ضعيفة

عشان كده عملت حاجة 90% من الصنايعية الجهابزة مايعرفوهاش
وصلتلتها الكهربا عن طريق كتاوت 40 أمبير خارجى أربعة رجل

http://wiki.r31skylineclub.com/image...ght_relay1.jpg

والميزة في الكتاوت لما توصله للموبينة انه بياخد من الكهربا بتاعت الكونتاكت وبيخرج من البطارية ديريكت على الموبينة طبعا الأداء هيختلف 200 مرة لو أخدت من الكونتاكت بس ده غير المشاكل اللى ممكن يسببها (وده الجهابزة برضو مايعرفوهوش )

الموضوع ده تجربة شخصية ومش منقول من أى حته
وعلى أتم الإستعداد للى عاوز يعدل عربيته أعملهاله
الموبينة ب85 جنيه
الكوندينسر 10 جنيه
الكتاوت ب15

وفى النهاية اتمنى الموضوع يكون نال إعجابكم وارجو الدعاء لى ولأبنتى بالصحة والستر