مصر موتورز مجتمع السيارات - مشكله في الفتيس ياريت حل من الاخوة وخاصة اخي الفاضل سمير عياد

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

مشكله في الفتيس ياريت حل من الاخوة وخاصة اخي الفاضل سمير عياد

السلام عليكم ورحمة الله وبركاته
عربيتي اكسنت موديل 99 عندي مشكله ف الفتيس صعبه شويتين وقرفاني اوووي اووي بجد
المشكله اني لما اجي ادور العربيه وهيا بارده اسمع صوت عالي اوي طالع من الفتيس كانه صوت حديد بيحك ف حديد وصوت صعب بجد مزعج ولما احط رجلي ع الدبرياج الصوت يروح يختفي خااالص اشيل رجلي يرجع تاني امشي واتحرك بالعربيه طبعا الصوت شغال مزيكا معايا وكاني ماشي بفرقه حسب الله بالشخاليل جوه البلد الصوت شغال اطلع ع الطريق بردو شغال بس لما بدي الخامس يروح لو هديت تاني الصوت يشتغل عشان يروح خالص لازم اقرص جامد وافضل ماشي فتره كبيره ع الخامس قارص عشان الصوت يروح وفعلا بيروح بس لما اركن والعربيه تبرد يشتغل تاني ايه ياترى
جربت اغير زيت الفتيس كتير و فكيت الفتيس مرتين وغيرت بليتين من الفتيس وغيرت بلية الدبرياج وبردو نفس المشكله فا انا بجد دوخت اوي والصوت تاعبني نفسيا :(
اسف علي الاطاله بس حبيت احكي الوضع كامل
فياريت الاخوه الاعضاء اللي يعرف حل يقوله ومستني رأي اخي الفاضي سمير عياد بصفه خاصه

رد: مشكله في الفتيس ياريت حل من الاخوة وخاصة اخي الفاضل سمير عياد

اقتباس:

و فكيت الفتيس مرتين وغيرت بليتين من الفتيس وغيرت بلية الدبرياج وبردو نفس المشكله

أعتقد فيه خلل فى بلى أو بليه معينه فى العمود الرئيسى جوه الفتيس

لأن العمود عليه أكثر من بليه من النوع الأبرى تحت كل ترس قائد

خاص بمرحلة نقل معينه ( عدا بلية الخامس..........شكلها سليم عندك )

وده بيتطلب الكشف جديدا على كل البلى

ممكن تجرب مبدئيا

أنك تنزل الزيت الحالى وتحط زيت أثقل فى اللزوجه

يمكن الآداء يتحسن وده يبقى كويس وخير

بس لو قابلتك مشكلة دواره

أبقى أفصل الدبرياج وأنت بدور

وشوف الجديد

ونكمل بعد تلك التجربه

رد: مشكله في الفتيس ياريت حل من الاخوة وخاصة اخي الفاضل سمير عياد

شكرا ياباشا علي ردك بس انا فعلا جربت قبل كدا الزيت التقيل بس للاسف الصوت بيزيد عليه وبالذات ف ايام البرد دي
يعني مثلا ياباشا الصوت بيزيد ف الشتا عن الصيف نفسي اعرف ايه السبب بجد ومحتار :(

رد: مشكله في الفتيس ياريت حل من الاخوة وخاصة اخي الفاضل سمير عياد

طيب أيه البلى

إللى غيرته فى الفتيس

رد: مشكله في الفتيس ياريت حل من الاخوة وخاصة اخي الفاضل سمير عياد

والله يا استاذ سمير مش عارف هوا فك بليتين كدا وقالي هات زيهم وللاسف الحاجه الوحيده اللي اول مره اعمل فيها شغل من اول ماجيبت عربيه ف حياتي هيا الفتيس فتلاقيني مش بفهم ف الفتيس اد كدا
معلش ع الاطاله
انا روحت ل 2 ميكانيكيه قولت اما اسمع كدا واشوف منهم واحد قالي البلتين اللي غيرتهم الجداد هما السبب لان البلي الجديد ف السوق كله روماني وبيخشن بسرعه
والتاني قالي هانعمله تخشينه بورد كدا مش فاهم بجد
فا انا بيني وبينك مش عايز اشتري فتيس تاني لان دا عادي لا فيه عضه ولا فيه اي حاجه وسليم بس عيبه الصوت دا بس
بجد هاتجنن :(