مصر موتورز مجتمع السيارات - الشعب يريد تغيير الوكيل

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - الشعب يريد تغيير الوكيل (https://www.masrmotors.com/vb/showthread.php?t=49672)

الشعب يريد تغيير الوكيل

السلام عليكم
الى جميع أحباء السيارة الجميلة جاك بي 15
دعوة لمقاطعة شراء السيارة من هذا الوكيل حتى يرضخ ويقوم بتنزيل السعر أو يتم مقاطعته نهائيا حتى يتم تغييره من قبل الوكيل الصيني كما اقترح بعض الاخوة الزملاء هنا في المنتدى ، وهذه الدعوة لجميع انواع وماركات السيارات ويارب ...

رد: الشعب يريد تغيير الوكيل

انا معاك
ومش توكيل جاك بس كل التوكيلات

خليها تصدي وموديلها يعديGIFT4U

رد: الشعب يريد تغيير الوكيل

بعد السلام عليكم ...
ياجماعة اوعوا تنسوا ان الموضوع فى الاول والاخر عرض وطلب بين المستهلك والموزع وانا كنت اوضحت من فترة ان (الوكيل) فى بند فى العقد بيتيح لة ان يزيد اوينقص من السعر او امكانيات السيارة ودا على فكرة فى كل التوكيلات
حاجة اخرى : وهى ان موضوع العربيات اساسا شىء يتم تصنيفة اقتصاديا ضمن الكماليات وليس من الضروريات
يعنى بالبلدى اللى عايز الدح ميقولش يح
اما موضوع غلاء السعر بتاع العربية الجاك ان والله كنت اوضحت الفكرة لانى على اتصال دائم بالمعرض والتوكيل
اما بالنسبة للتعليق الجميل اللى بيقول الشعب يريد تغيير التوكيل
فردى على ذلك انة ليس كل الشعب معاة عربيات ولو كل الشعب معاة عربيات مش كلةبيصلح فى التوكيل
اما بخصوص توكيل الجاك فوالله ليس دفاعا عن التوكيل بل ان كل التوكيلات عملت اكتر من توكيل الجاك فى زيادة السيارات
وتحت امركم فى اى شىء ....

رد: الشعب يريد تغيير الوكيل

اقتباس:

المشاركة الأصلية كتبت بواسطة mr/ahmed (المشاركة 374816)

انا مع تغيير الوكيل بكل قوه.....فليس صحيحا ان كل التوكيلات بتعمل كده . ولاثبات ذللك لاحظ معى مراحل رفع السعر خلال الفتره الزمنيه لوجود السياره؛ من 69900 الى 72000 الى 74000 الى 78000 الى 81000 الى84000 فى اقل من عشره اشهر .............. بالله عليك دا مش استهبال . بالله عليك مين وكيل كان عمر السياره التى يستوردها عشره اشهر فى السوق وعمل كده؟ ؟؟؟؟ الوكيل دا حكايته ايه!!!!!!! زى ما يكون ناوى يعمل حاجه ويجرى !!!! اوبيدحلبنا وبيضحك علينا ...يا جماعه دا وكيل لشركه سيارات يجب ان يكون عنده قدر من الثبات فى المواصفات والاسعار . ومن يقول ان المساله عرض وطلب . طيب لو فرضنا انه نتيجه لارتفاع السعر الذى لا نعرف له حدود انخفض الطلب هل الوكيل هيخفض السعر ..ولو وجد ان السعر المخفض لا يحقق له هامش الربح الذى يريده ..هيبطل يستورد السياره او قطع الغيار؟؟؟ يعنى ملاك السياره على كف عفريت والا ايه؟!!

رد: الشعب يريد تغيير الوكيل

أوك أنا مع حضرتك طالما هي عرض وطلب وانا معاك في كده خلاص مايكونش فيه طلب لغاية ماينزل سعرها وان شاء الله هاينزل هي وجميع السيارا لجميع التوكيلات