رد: كيفية استخراج رخصة قيادة دراجة نارية موتوسيكل (تجربتي)
 

مرور فيضل حسبى الله و نعم الوكيل فيهم
اعتقد ان الاسئلة الخاصة بالاشارات كل سؤال 10 ثوانى فقط و ليس 30 ثانية
و يوم اختبار القيادة بالنسبة لى كان عبارة عن دائرة تلف بداخلها بدون ان تضع قدمك على الارض
و لا حظت ان الدائرة بتوسع و بتضيق حسب الرشوة اللى بيخدها المهندس ...
المهم انا نجحت فى امتحان الاشارات و سقطت فى امتحان القيادة رغم انى سواق متوسيكلات من 12 سنة
و كل دة لان الدائرة كانت صغيرة جدا و الموتوسيكل كان كبير لكن فهمت و حطيت المعلوم فى الورق للمهندس و نجحت الحمد لله

رد: كيفية استخراج رخصة قيادة دراجة نارية موتوسيكل (تجربتي)
 

أخي خالد أمين - للأسف ما عندي معلومات تفيدك في الموضوع بتاعك احنا محتاجين واحد فاهم ويفضل من المرور اسأل في مرور الشرقية لتعرف جميع الاجراءات القانونية وبعدين اتحرك - والله المستعان

ومبروك لاخي مصراوي على نجاحه بامتحان القيادة - انا عرفت ان الاختبار كان قبل كدة عبارة عن دائرة واتدربت عليها وعلشان كدة لم اخد موتوسيكلي لانه ضخم وزاوية دورانه صغيرة جدا ولما ذهبت هناك وجدتهم غيروا الامتحان لاقماع ولذلك اهتممت بوضع التاريخ - وبالتوفيق لكل قاسى مع الروتين المقصود

رد: كيفية استخراج رخصة قيادة دراجة نارية موتوسيكل (تجربتي)
 

السلام عليكم ورحمة الله

عندى استفسار انا تابع لمرور محرم بيه - اسكندرية هل يوجد من يؤجر دراجة نارية هناك؟
انا ليس معى دراجة نارية للاختبار

رد: كيفية استخراج رخصة قيادة دراجة نارية موتوسيكل (تجربتي)
 

اكيد هتلاقي حد هناك بيأجر ولو مالقيتش اول ما تجيب موتوسيكل اقف انت هناك وهتعمل فلوس زي الفل:w6w2005041122473461

رد: كيفية استخراج رخصة قيادة دراجة نارية موتوسيكل (تجربتي)
 

السلام عليكم
أخوي انا شدني كلامك جدا لسؤال
وسجلت في المنتدى خصيصا لأسألك
رحت من يومين اسأل على اسعار الموتوسكل الصيني و لقيت الدايون بحوالي 5000 جنيه
مش مهم السعر اوي لأني عارف ان مبالغ فيه جدا
الي حيرني لأني معنديش خبره في الموتسيكلات خالص لما سألت البايع الموتوسكل بيحتاج رخصة قالي لأ . . .
بتاخده وترخصه في الدايرة بتاعتك وخلاص . . . سؤالي بقى ايه صحت الكلام ده ؟؟
يعني انا اشتري موتوسكل وارخصه وامشي بيه كدا عادي ولا ايه ؟؟
منتظر اجابتك

رد: كيفية استخراج رخصة قيادة دراجة نارية موتوسيكل (تجربتي)
 

اعذرني اخي حمزة لتأخري في الرد
ولكني كنت مشغول الفترة الماضية
-----
إجابة لسؤالك :
اي مركبة سيارة او موتوسيكل محتاجة رخصتين (رخصة قيادة - رخصة المركبة نفسها)
رخصة القيادة :
معناها انك تعرف تقود من أساسه - مش مهم عندك سيارة او موتوسيكل المهم تكون بتعرف تسوق
رخصة الموتوسيكل :
معناها ان الموتوسيكل معروف لدي المرور من صاحبه وبيانات صاحبه ومعلق نمر - بحيث تستطيع إثبات ان الموتوسيكل ملكك بالنمرة وبرقم الموتور وبرقم الشاسيه المثبتين في رخصة الموتوسيكل - ومش مهم تكون بتعرف تسوق علشان تطلع رخصة الموتوسيكل فهو إثبات للملكية

عند مقابلتك للجنة مرور يطلب منك الضابط الرخص (المقصود الرخصتين) ان الموتوسيكل ملكك غير مسروق وانك اساسا تعرف تسوق

بالتوفيق

رد: كيفية استخراج رخصة قيادة دراجة نارية موتوسيكل (تجربتي)
 

+ صور شخصية 4*6 + شهادة باطنى + شهادة نظر+ ملف تقديم
طب يا ابو ادهم انا بجيب الحجات ديه من المرور ولا بجيبها منين ؟