استفسار عن تيل الفرامل لعربية برسونا 2012
انا عندى مشكلة
العربية بتعتى لما بدوس فرامل بسمع صفير وفى بعض الاحيان بيبقى يفضح من علو صوته خصوصا لو الجو حر المهم قلت يمكن التيل عاوز يتغير فخليت ميكانيكى شافه قالى لا ده حالته زيى الفل ويستحمل اد ما مشى مره كمان سالته عن سبب الصفير قالى ده بيبقى وسخ بين التنابير والتيل رحت الصيانه الدورية بتاعة العربية (15000) وعرضت عليهم مشكلة الصفير كشفوا عليه وقالوا نفس الكلام السابق المهم انا دلوقتى عاوز اغير التيل اللى هيقرفنى ده وسمعت ان فيه تيل كورى مش بيصفر ولا الواحد يجيب البوش ولا الماليزى افيدونى افادكم الله |
رد: استفسار عن تيل الفرامل لعربية برسونا 2012
للاسف معظم التيل الموجود بالسوق مضروب وانت وحظك
والمشكلة ان الماركة اللى بتضرب هى الماركات المشهورة انما عن تجربة التيل الصينى حلو مش وحش مع انة بيتاكل بسرعة انما حنين على الطنابير واحتكاكة جيد |
رد: استفسار عن تيل الفرامل لعربية برسونا 2012
انا وانا بقلب فى صفحات المنتدى لقيت حد كاتب ان تيل فرامل البرسونا الامامى هو هو تيل فراميل الفيات البترا ( تيل تركى عامل 150)و هو نفس تل فرامل الbyd
حد عنده تاكيد او نفى للموضوع ده |
الساعة الآن 07:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017