|
سحب العربية الكيا بريد سيدان
انا معايا عربيه كيا بريد سيدان 2002 لسه شاؤيها من 3 شهور والحمد لله كويسه معايا بس عندى مشكلتين الاولى لما بقابل مطب وبضطر اهدى السرعه لما بخرج منه باخد وقت عبال ما السرعه تجمع مايا تانى مثلان 80 بدوس بنزين اكتر من العادى ومؤشر السرعة بيوقف حولين ال 40 فتره وبعد كدا يبداء يعلى ويدينى السرعه اللى انا عايزها
المشكلة التانية باسمع صوت العجلة الشمال الخالفية كانها بتلم تراب من الارض لما يكون فى تراب بسيط على الارض باسمعلها صوت حكه رغم انو دا مش موجود فى باقى العجل ارجو من اهل الخبره الافاده انا جديد فى السواقه وغيرت السيور والزيت والفلاتر عند الميكانيكى اول ما اشتريتها |
رد: سحب العربية الكيا بريد سيدان
هى اتوماتيك ؟
|
رد: سحب العربية الكيا بريد سيدان
ايوه العربية اوتوماتيك وللعلم بردو لما كشف عليها ال 4 مساعدين فيها معرقين زيت وحتاجين يتغيرو بس انا صابر عليها شوية
|
رد: سحب العربية الكيا بريد سيدان
انا بعتذر عن تكرار المشاركة عشان ما كنتش عارف المكان المناسب اللى ابعت فيه المشاركة
|
رد: سحب العربية الكيا بريد سيدان
سحب العربيه ليه علاقة بعوامل كتير منها حالة الموتور والفتيس ونوع البنزين وتحميل العربية ومقاس الكاوتش حتى لكن حسب كلامك انت عندك بطىء ناتج من نقل الغيارات فى الفتيس ممكن يكون طبيعى بس انت رجلك لسه مش واخدة على الاوتوماتيك وسحبة الابطاء نسبياً عن المانيوال
وبالنسبة للصوت بتاع الرمل شوف الدلايات والكرتيرة بتوع العجلة ديه ممكن يكون فيهم حاجة وغير تغيير الزيوت والفلاتر والسيور ياريت تروح تكشف على الزوايا وتخليه يطمنك على العفشه وتعمل ميزانية للعربيه بالمصاريف اللى عايزاها وان شاء الله مش هتبقى مرهقة |
| الساعة الآن 02:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017