مصر موتورز مجتمع السيارات - العربيه عزمها بيقل لما اغير الزيت

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - العربيه عزمها بيقل لما اغير الزيت (https://www.masrmotors.com/vb/showthread.php?t=49561)

العربيه عزمها بيقل لما اغير الزيت

عندى مشكله بدأت الاحظها

باحس أن العربيه عزمها بيقل اول ما اغير الزيت !
انا باستخدم زيت شل هيلكس HELIX X5 الجركن الاصفر = 105 جنيه
http://www10.0zz0.com/2011/01/04/13/412163638.jpg
بعد حوالى شهر او شهرين احس ان العزم اتحسن شويا

كدا يبقى المفروض الزيت المناسب لزوجته اكبر ولا أقل؟

-------------------------------

حاجه كمان
العربيه فتيس اتوماتيك
اول ما اشغل العربيه واسخن شويا (5 دقايق)
العربيه مش بترضى تنقل على الغيار التالى غير بعد ما امشى بيها حوالى 10 دقايق وتسخن

بس بعد كدا لو ركنت مثلا نص ساعه ورجعت تانى والعربيه لسه سخنه
الغيار بينقل على طول بعد دقيقه او دقيقتين؟

الميكانيكى قال الاتوماتيك كدا - ما ينقلش الغيار غير لما يسخن !!!
انا حاسه انها بتتاخر كتير على ما تنقل ومش مقتنعه بكلامه !
هو صح ولا انا عندى حاجه غلط ؟

مع العلم انى مغيره زيت الفتيس من حوالى شهرين فى اول يناير 2011
وباستخدم زيت Mobil ATF 320
http://www10.0zz0.com/2011/01/04/13/806109922.jpg

رد: العربيه عزمها بيقل لما اغير الزيت

أعتقد المشكله دى بين الفتيس والمكنه

ذات علاقه مشتركه

اقتباس:

بس بعد كدا لو ركنت مثلا نص ساعه ورجعت تانى والعربيه لسه سخنه
الغيار بينقل على طول بعد دقيقه او دقيقتين؟

بدليل الكلام السابق

وواضح أن حالة المكنه مأثره على عملية النقل والمكنه شبه بارده

فيتأخر النقل والمكنه شبه بارده

وتزيد كفاءة النقل مع سخونة المكنه ( لزيادة حملها الميكانيكى )

والسؤال الآن

هل بتزودى زيت كل فتره أثناء خدمة الزيت بالمكنه ........؟

وهل خرطوم الفائظ بيجيب بخر زيت ملحوظ .........؟

ملحوظه

خرطوم فائظ المكنه بيذهب من بلوك المكنه لفلتر الهواء فى معظم المحركات

ذات الكربوراتير

رد: العربيه عزمها بيقل لما اغير الزيت

اقتباس:

المشاركة الأصلية كتبت بواسطة samirayad (المشاركة 373737)

والسؤال الآن

هل بتزودى زيت كل فتره أثناء خدمة الزيت بالمكنه ........؟

لا .. ومنسوب الزيت بين العلامتين ... هو بيقل بسيط جداً لكن اعلى من منتصف المسافه بين العلامتين (المسافه بين العلامتين حوالى 4 سم) المنسوب عند 3 سم
هو قل فى المنسوب حوالى 1 سم فى فتره اكتر من شهرين

اقتباس:

المشاركة الأصلية كتبت بواسطة samirayad (المشاركة 373737)

وهل خرطوم الفائظ بيجيب بخر زيت ملحوظ .........؟

بيجيب بخر .. لكن خفيف ، والميكانيكى قال ان فى نسبه تفويت فى الموتور وكفاءته حوالى 70 %

ومتشكره للاهتمام

رد: العربيه عزمها بيقل لما اغير الزيت

اقتباس:

بيجيب بخر .. لكن خفيف ، والميكانيكى قال ان فى نسبه تفويت فى الموتور وكفاءته حوالى 70 %

يبقى يفضل تمشى فى هذين الأتجاهين على الترتيب

لحين عمل صيانه للمكنه مستقبلا

1- تغيرى نوع زيت المكنه لنوع آخر مدى لزوجته 20w50

ونشوف التجربه هتقول إيه

2- نفترض لسه الأمور ( على قديمه )

يبقى يفضل أضافة عبوة زيت شنبر مع غيار الزيت ( وقتئذ )

هتلاقى نتيجه وأستجابه كويسه للفتيس

بإذن الله

رد: العربيه عزمها بيقل لما اغير الزيت

مهو مش الطبيعي العربية تاخد وقت طويل ربع ساعة عشان تسخن شيك عليها عالكمبيوتر ممكن يكون حساس كوعة المياه بيقرا غلط وبايظ عايز يتغير وكده تاكل منك سنة بنزين حط العربية علي كمبيوتر وهيبان الحساس سليم ولا بايظ عندي كانت بتاخد وقت طويل علي ماتسخن وتبين ان حساس كوعة المياة قاري سالب 37 طبعا غيرته وبقيت تسخن اسرع وتدور عالية مش لازم ازود لها بنزين عشان تدور وخففت الحمل علي المارش لأنها كانت بتدور بصعوبة من الاخر حط العربية علي كمبيوتر

وممكن تقول لنا نوعها والمكنة كام سي سي وانجيكشن ولا وده غيض من فيض الباشمهندس سمير