المشاركة الأصلية كتبت بواسطة bmkbmk (المشاركة 146049)

ربنا يكرمك يا رب و يبارك فيكى :)

يا رب بعد ما تجربوا الموضوع ماتدعيش عليا بس :)

عموما انا مش هضحك عليكى و اقولك ان الموضوع سهل او زى الطيران مريح ساعتين و خلاص

الفكرة كلها انه تجربة جديدة و فعلا شيقة والله بس هى طبعا متعبة بس مش زى السفر بتاع العمرة خالص يعنى ....
بس انتو لو اخدتوها على انها رحلة و اماكن جديدة هتشوفوها و هتعدوا عليها ان شاء الله هتبقى ممتعة جدا
اكتر حاجة متعبة هى زى ما قلت لحضرتك العقبة و نويبع و ده علشان عذاب الانتظار و الاجراءات

عموما انا معايا رقم تليفون امين شرطة فى نويبع ممكن يخلصلكوا كل حاجة و انتوا مرتاحين و ياخد اكراميته لو حضرتك تحبى ..
و كمان ممكن حجز العبارة من الكويت و فى ميناء العقبة بس يتم ختم التربتك و تأكيد حجز العبارة.. بتوفروا اجراء الحجز و تغيير العملات و كدة يعنى ...

و لعلمك زوج حضرتك هيتعب اكتر بكتير ... على الاقل علشان مجهود و تركيز السواقة و طبعا علشان هو القائد و المسئول:HAPPY_~211:
و ان شاء الله تقضوا رحلة كويسة ,, و طبعا تحت امر حضرتك فى اى استفسارات

المشاركة الأصلية كتبت بواسطة maisam (المشاركة 171863)

مساء الخير يا ابو كمال ....

انا كنت عاوز اسألك عن موضوع حجز العبارة من الكويت بيكون ازاي و منين؟؟؟ و ياريت كمان لو تديني رقم تليفون أمين الشرطة ده يبقى كتر خيرك جدا ... انا قررت اني انزل عن طريق العقبة

المشاركة الأصلية كتبت بواسطة رورة (المشاركة 177178)

صباح الخير الأخ أبو كمال
انا رجعت مرة تانية

كنت بسأل عن موضوع العودة مش هتكتبه عشان نستفيد منك وجزاك الله خيرا

بالنسبالنا قررنا خلاص نسافر بر.. وزوجي جاب سيارة باجيرو 2002 حالتها كويسة تبارك الرحمن

وبدأنا نستعد

كنت عيزة بس رقم أمين الشرطة إذا ما عندك مانع

وتاني حاجة زوجي قالي ابئي اسألي عن موضوع العبارة الي بتوصل السويس !! انا مفهمتش قصده بس هو بيقولي الطريق دة اسهل

وفي حاجة كمان.. هو احنا لما نحجز العبارة من هنا.. افرض اتأخرنا لأي سبب بتروح علينا التذاكر ولا ايه الي بيحصل بالظبط

وشكرا ليك بجد مليون مرة على المساعدة

المشاركة الأصلية كتبت بواسطة bmkbmk (المشاركة 177211)

صباح الخير عليكى أختى العزيزة
والله موضوع العودة مكتوب بنسبة 80% ,, للأسف كل ما آجى اكمله ماعرفش علشان العيال مجنينى... بس ان شاء الله أخلصه قريبا جدا

ربنا يكون فعونك.. بس اتمنى تقدر تخلصه ابل ما اسافر عشان الحق اقراه

و ألف مبروك على العربية ربنا يديكو خيرها و يكفيكوا شرها يا رب.. بس جوز حضرتك يعمل تشييك سريع عليها برده و يظبطها قبل السفر إن شاء الله .. و مهم قوى التشييك على الكاوتش (العجل )

هو اصلا جابها وصرف عليها حوالي 200 دينار (تركيب دعمية معدن خلفية عشان الأمامية موجودة - تركيب شبكة - تصفية ماكينة - جنزير صدر - شوية منظرة حوالين الأرقام والاستبن والفرش وكدة) بالنسبة للكاوتشات الراجل صاحبها قاله انا لسة مغيرها من شهرين وفعلا لما جوزي لف بيها عند البنشرجية قالوله هي مش محتاجة ابدا تغيير كاوتش لأنه لسة جديد

و تروحوا و ترجعوا بألف سلامة إن شاء الله ... و أنا إن شاء الله نازل مبدئيا يوم 24 /6 يعنى بعد شهر و نص تقريبا و طبعا معايا العائلة ... لو ظبطوا مواعيدكو ممكن ننزل مع بعض ان شاء الله

الله يسلمك.. للأسف موعد نزولنا نص 7 ان شاء الله ومش هنقدر نأدم معادنا عن كدة عشان ظروف معينة، كان نفسي بجد يكون معانا صحبة بس الخيرة فيما اختاره الله


رقم أمين الشرطة هبعته لحضرتك على الخاص

شكرا لحضرتك جدا وانا هشيك حالا عالخاص

أما بالنسبة لعبارة السويس على ما اعتقد انها بتطلع من ضبا و ليس من العقبة بس دى مواعيدها محدودة و بتاخد وقت كبير جدا فى الرحلة و ماعرفش تفاصيل عنها بصراحة

و طبعا حجز العبارة مابيروحش ولا حاجة فى حالة التأخير لأن حضرتك كدة كدة لازم تأكديه من العقبة قبل ما تطلعوا العبارة
شكرا بجد على ردك وانا هوصل لجوزي الرد ولو في اي استفسار تاني عنده مش هتردد في سؤال حضرتك

و انا تحت أمر حضرتك فى اى وقت