فك عدادات فيات 131 للتنظيف ومحاوله التعديل عليها
 

السلام عليكم ورحمه الله وبركاته
النهارده كنت فى مشوار وخلصته وبركب العربية وهروح لان معايا شغل اشتغله فى البيت لفت انتباهي لمبه منورة فى التابلوة ومكانها غريب جنب لمبه البطارية ( لمبه الدينامو ) و مش شوفتها قبل كده ولا اخدت بالي منها
فين وفين عرفت انها لمبه سخان الزجاج الخلفي
طب هيا ليه منورة دماغي لفت اكلم الكهربائية اللى اعرفهم محدش بيرد وقافلين مكملين الاسبوع اجازة
وبرضه الميكانيكيه نفس الحال
كلمت احمد فارما قال لي شوف لو فيه ليها فيوز افصله
دعبست لقيت علبه الفيوزات فيها مكانيين للسخان الخاص بالزجاج الخلفي فصلت اول فيوز وابص برضه اللمبه منورة طب افصل التاني برضه اللمبة منورة
طب وبعدين قولت لو قفلت هفصل كابل البطارية واريح نفسي
كلمت مهندس معايا فى الشركه قال لي اقف وانزل بسرعه افصل الكلبسات بتاعت الزجاج الخلفي لان السخان بيسخن الزجاج ومدام الزجاج مفيش عليه شبورة او مياه الزجاج هيجيله سرطان زجاج وفعلا عملت كده وبرضه اللمبة بنت اللذين لسه منورة

قولت بقي مش بدها اليوم ده مش مكتوب لي اني اشتغل
وقول بسم الله الرحمن الرحيم وبدئت افك العدادات اشوف ايه القصه و كنت خايف احسن اقطم كابل واير السرعه لاني قطمته قبل كده اثناء محاولتي فك العدادات فى مره سابقة

واثناء الفك لاحظت ان اللمبه كانت شوية تفصل وشوية تنور وده قبل ما افصل الفيش فتأكدت ان يكون فى تلميس او اللمبه معلقه فكملت علي بركه الله و طلعت العدادات
وقولت بالمره اشوف موضوع الساعه اللي مش بتتظبط من الزرار بتاعها دي
ودلوقت العداد اهه قاعد جنبي و هبدء الفك
وكنت عاوز بالمره اعمل سكان لخلفيه العدادات باستخدام سكانر او حاجه علشان لو عاوز اعمل شغل علي العدادات علشان اخلي الاضاءة من ورا الورقة بدل ما هيا من قدام كده
الخسائر لحد دلوقت اني ضيعت مسمار من اللي بيمسك العدادات فى التابلوة وده لاني كنت بفك العدادات فى الظلام

حد ينصحني بحاجه
ان شاء الله مش ناوي انظف العدادات واشوف اللمض اللى شغال واللي مش شغال واجربهم كلهم

رد: فك عدادات فيات 131 للتنظيف ومحاوله التعديل عليها
 

مطلوب معرفه كيفيه فك مؤشرات العدادات باقصي سرعه

رد: فك عدادات فيات 131 للتنظيف ومحاوله التعديل عليها
 

http://img255.imageshack.us/img255/3329/24082012799.jpg

دي صورة للوحه العدادات بعد ما فكتها كلها وطلعت منها الساعه

http://img204.imageshack.us/img204/5679/24082012800.jpg

جسم لوحه العدادت بالساعه


http://img820.imageshack.us/img820/654/24082012801.jpg

الباغه الشفافة وانا بنظفها انكسر منها حته فهشوف امير و الحمها فيها من تاني فلازم نخلي بالنا واحنا شغالين

http://img266.imageshack.us/img266/4781/24082012802.jpg

عاوز اشوف طريقة ادهن بيها الجزء اللي متجرح ده من اللوحه حد عنده اقتراحات ؟


http://img838.imageshack.us/img838/5037/24082012803.jpg

دي الساعه من ورا والجزء اللي توصلت انه بايظ موجود فى العمود اللي بيلف عقارب الساعه علشان تنضبط وتحديدا الجزء الاسود ده عبارة عن ترس لما نضغط علي العمود لتحت علشان نلفه ونضبط الساعه المفروض الترس ده يدقر فى حاجه ويلف مع العمود ومعاه يحرك باقي التروس فاللي بيحصل ان لما بنضبط الساعه العمود بيلف اه ولكن الترس الاسود الصغير ده ثابت فى مكانه
فهشوف حد ساعاتي لو عنده حل ولو مش كان ربنا يسهل

http://img600.imageshack.us/img600/4938/24082012806.jpg


عاوز طريقة افك بيها مؤشرات السرعه وعدد لفات الموتور علشان اخدهم سكان واشوف لو هعمل حاجه ليهم ولا ايه علشان النور

رد: فك عدادات فيات 131 للتنظيف ومحاوله التعديل عليها
 

عاوز رايكم
هل اشوف عدادات قديمه بايظة ومكسورة اخد منها الحته الالمونيه بتاعت الارقام و افرغ الارقام والشرط و احط وراهم باغه شفافة و اركبهم
ولا اسحب العدادات اسكانر و اطبعهم علي استيكر والزقة فوق باغه شفافه طبعا بعد ما اكون فرغت الارقام والشرط من الاستيكر واركبهم
هل ينفع بدل ما افك المؤشرات اني اصور العدادات صور عاليه الدقه قريبة و عن طريق برامج الصور والتعديل اشيل المؤشر واظبط ابعاد الصورة عن طريق اني اقيس ابعاد العداد الاصلي واظبط عليه الصورة؟؟

زي الصور دي

http://img337.imageshack.us/img337/4375/24082012811.jpg

http://img801.imageshack.us/img801/4179/24082012812.jpg

http://img222.imageshack.us/img222/7530/24082012813.jpg



ولا اسيبهم زي ما هما

رد: فك عدادات فيات 131 للتنظيف ومحاوله التعديل عليها