رد: اى حد محتاج اى معلومه عن الرينو
 

رينو رينبو 99 بتخسن جامد وطلع العيب كهرباء
والمبينة العمر الافتراضي انتهي بس مش لاقي حد فاهم اروح لمين وقطع الغيار مش موجودة وغالية
ارجو الافادة والرد علي

رد: اى حد محتاج اى معلومه عن الرينو
 

طيب موضوع السخونه ده وعرفناه
الموبينه وهسأل لحضرتك عليها جديده واستيراد وارد عليك انهارده او بكره بالكتير
موضوع حد فاهم انا عندى 2 ميكانيكيه كويسين جدا وبيشتغلوا فى عربيتى شخصيا ومجربهم فى كذا عربيه تانيه
موضوع قطع الغيار اى حاجه محتاجها قولى وبأذن الله نقدر نجيبها موضوع غاليه ده مش اى حاجه غاليه فيها
وياريت حضرتك بس تدينى مثال للحاجه الغاليه اللى مش موجوده دى هى ايه
وكل سنه وحضرتك طيب اخوك بوب الجامد

رد: اى حد محتاج اى معلومه عن الرينو
 

يا بوب ياجامد أوى موضوع ممتاز
بس أنا فى حيرة من أمر الميجان
أنا معايا هيونداى إكسيل لغاية بس ما أطلع الرخصة كمان شهر ونص إن شاء الله
وكنت بفكر فى حتة ميجان 2007 مثلا بس بعد الكلام اللى كان بيتكتب أنا قلقت جدا
وبعدين دى هتبقى ليا انا لوحدى يعنى أهم حاجة عندى ثبات عالى وسرعة عالية مش مهم السحب أوى
مع العلم أنا والدى معاه أوبل فيكترا 2008 فهل الميجان ممكن تسد معاها ولا لآ
ومعلش أخر حاجة أسعار قطع الغيار غالية أوى ولا فى المعقول وممكن الميكانيكى يشتغل فيها ولا لازم مركز خدمة
وشكرا ليك جدا وأسف على الاطالة

رد: اى حد محتاج اى معلومه عن الرينو
 

باشا اهلا بيك ومنورنا فى قسم الرينو
اولا بالنسبه للقلق من الكلام ده متقلقش
لان اى حد بيتكلم وبيقول ان الميجان 2 فيها عيوب هو بيتكلم على موديل 2005 كل العيوب دى اتعدلت فى الموديلات اللى بعدها من 2006
لو بتتكلم فى 2007 او 2008 يبقى كده انت فى الامان من كميه العيوب الغريبه اللى ظهرت فى عربيه اخونا الكبير (بايو) لان عربيته كانت موديل 2005
بالنسبه للثبات تقدر تسأل اى حد على الميجان فى الثبات او الفرنساوى كله
وبالنسبه للسرعه العربيه تقيله وده بيديها ثبات اعلى لكن على حساب التجميع والعربيه دى عدادها 250 يعنى لما تبقى ماشى عادى ومن غير قرص هتوصل معاك 180 مستريح وممكن 200
ومعتقدش انه فيه طريق عندنا فى مصر حد يقدر يمشى فيه على 200 بسهوله
معلش بس يا ريت توضحلى يعنى ايه تسد مع فيكترا 2008 فى السحب يعنى ولا فى السرعه ولا فى الثبات على الطريق والقدره على المناوره؟؟؟؟؟
قطع الغيار مش غاليه اوى زى ما ناس كتير بتقول وفيه معانا الاستاذ ترونكى اقدر منى فى الاجابه على جزء اسعار قطع الغيار لانه من الملاك الحاليين للسياره
وبرضه يقدر يفيدك فى موضوع الميكانيكيه او التوكيل دى وان كنت شخصيا افضل ان اى عربيه فيها تكنولوجيا كده تكون صيانتها فى التوكيل او مركز خدمه افضل
وارجو انى اكون قدرت افيدك فى استفساراتك

رد: اى حد محتاج اى معلومه عن الرينو
 

الف شكر يا بوب ياجامد أوى
بجد طمنتنى أوى أصل شكل العربية جامد أوى وعاجبنى
وبالنسبة لحكاية إنها تسد مع الفيكترا
مش مشكلة السحب أوى بس فى السرعة والثبات والراحة والمناورة طبعا