مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن الرينو

اقتباس:

المشاركة الأصلية كتبت بواسطة forensic2000 (المشاركة 70537)

والله بدون مجاملة انت فعلا جامد وبحس من كلامك إنك فاهم بتقول ايه
بالنسبة لأسعار قطع الغيار بتاعت اللوجان

سعر طقم "البوجيهات" يبلغ 88 جنيها
سعر فلتر بنزين المحرك 60 جنيه
سعر فلتر الزيت 30 جنيه
سير الدينامو 90 جنيه.
سعر طقم سير الكاتينة 295 جنيها
طقم تيل الفرامل 225 جنيها
سعر المساعد الأمامي 385 جنيها ، والخلفي 390 جنيه
الرفرف الأمامي 679 جنيها
والفانوس الأمامي 495 جنيها ، والخلفي 225 جنيها.

وأشارت (EIM) إلى أن أسعار جميع قطع الغيار السالفة لا تشمل ضريبة المبيعات وعليها ضمان 12 شهرا.

إيه رأيك يا باشا والأسعار دي قريبة من أسعار قطع غيار إيه غير رينو وبتبقي أرخص أد ايه لو مش أصلية ومدي صلاحية الغيار اللي مش أصلي

معلش آخر استفسار العربية اللوجان اللي ركبتها كانت فئة ايه فيهم بالظبط ولا كلهم واحد ؟

ربنا يكرمك يا باشا وارجو انى اكون قدرت افيدك فى استفساراتك
بالنسبه للاسعار دى قريبه من ايه هى اغلى من اللانوس والفيرنا لكن قريبه شويه من اسعار الاسبيرانزا ودى العربيات اللى فى نفس الفئه السعريه
لكن برضه فيه جزء الضمان ال12 شهر ومعتقدش انه موجود فى قطع الغيار للانوس او الفيرنا ولو حد من الاخوه عنده فكره يا ريت يقولى
ولو مش اصليه هى بتبقى ارخص انما ارخص اد ايه ده اللى انا بصراحه مقدرش افتى فيه لانى معرفش لانها بتختلف من بلد الصناعه ومن محل للتانى
وبالنسبه للفئه هى كلها كأساسيات واحد الاختلاف فى الكماليات
كان فيه واحده هاف اوبشن وواحده فول اوبشن
والاتنين نفس العربيه بكل حاجه الفرق فى حاجات بسيطه جدا الازاز السنتر الفوجات المرايات الكهرباء كلام ميعتبرش فرق بين العربيات هما شايه واحد وموتور واحد غير كده كلها حاجات شكليه
غير كده انا جربت الرومانى (دى كلمه حق انا مجربتش المغربى انما اللى جربوها بيقولولى هى هى الرومانى مفيش فرق بينهم)
ارجو انى اكون قدرت اجاوب حضرتك ولو احتجت حاجه انا موجود بأذن الله

رد: اى حد محتاج اى معلومه عن الرينو

ربنا يكرمك ويجازيك خير وأكيد مش هستغني عنك أبدا
والهاتش باك هي هي برضه ؟؟

رد: اى حد محتاج اى معلومه عن الرينو

السلام عليكم

انا كان عندي استفسار بخصوص الرينو الكليو موديلات 2003 انا عاوز اعرف رأي حضرتك فيها كمجمل
من حيث الاعتمادية , وهل قطع غيارها غالية؟,هل قطع غيارها موجودة في كل مكان؟,وهل اي ميكانيكي يفهم فيها؟ , هل اقتصادية في البنزين؟ , تكييفها جامد؟ , تستحمل السفر لمسافات طويلة مع الحمولة؟ وجزاك الله كل خير مقدما:260309~146:

رد: اى حد محتاج اى معلومه عن الرينو

اقتباس:

المشاركة الأصلية كتبت بواسطة seether (المشاركة 71748)

بالنسبه لموضوع الاعتماديه فهى حقيقى اعتماديتها عاليه
قطع غيارها موجوده فى كل حته وبالنسبه للموديل ده فقطع غياره منتشره عند اى حد من بتوع الرينو
وبالنسبه لموضوع الغلو فده شئ نسبى لان العربيه مش بانتشار اللانوس مثلا فأكيد هتلاقى اسعارها اغلى
اى ميكانكيى بيفهم هيفهم فيها لانها مش معقده زى الميجان مثلا هى صيانتها زى اى عربيه مش معقده اوى زى ما الناس متخيلين
بالنسبه للاقتصاديه البنزين فهى فعلا اقتصاديه
الحاجه الوحيده اللى ممكن الشعب المصرى يعتبرها عيب ان تكييفها مش قوه اليابانى والكورى هو تكييف كويس بس حقيقى مش بقوه اليابانى والكورى
موضوع السفريات تستحمل السفر جدا انما بس ياريت حضرتك تفهمنى قصدك من حيث الحموله اشخاص ركاب يعنى ولا حضرتك ممكن تحتاج تنقل فيها حاجات اتمنى انى اكون قدرت ارد على حضرتك فى استفساراتك

رد: اى حد محتاج اى معلومه عن الرينو

جزاك الله كل خير علي ردك الغالي يا بوب ويا جامد اوي كمان

هو انا كنت اقصد بالحمولة الركاب يعني,تستحمل العيلة بشنطهم بسلاطتهم ببابا غنوجهم

بس انتا كدة طمنتني منها لاني بصراحة محتار جدا بين الرينو كليو والدايو لانوس والانسر الكرستالة

بس اكتر حاجة زعلتني التكييف ptmnlo123per144

وميرسي اوي علي ردك السريع