نصيحة مميزات وعيوب شيفرولية كروز
 

مطلوب من زوى الخبرة وملاك شيفروليه كروز 2015 زكر مميزات وعيوب العربيه وقطع الغيار متوفرة فى الاقاليم وخصوصا الشرقية وارتفاعها عن الارض جودة ومتانة جودة الدهانات وهل فيها سمارت كى واعادة البيع وهل هى افضل ام هونداى النترا نفس السعر او رينو فلوانس نفس السعر وشكرا

رد: نصيحة بخصوص الكروز
 

انا من خلال متابعتى المتواضعه شايف إن الكروز اقل إنتشار من الهيونداى إلنترا والفلوانس لذلك خدهم كده باالترتيب هيونداى ,رينو فلوانس ثم الكروز وواضح إن الكروز فيها حاجة مش عاجبه المصريين وده بعد التجريب وإحساسى كده إنها مش ناعمه زى الهيونداى اوالفلوانس لأن اعتقد ان الموتور هو نفس موتور الأوبترا وهومن عائلة الدابو نوبيرا بعنى خشن شويه ,,والله أعلى وأعلم بالباقى

رد: نصيحة بخصوص الكروز
 

الكروز من ناحية الارتفاع واطية مش عالية يعنى وانت مركب نفرين فى الكنبة ورا ومطب عالى شوية هتحك لازم وانت لوحدك ماشى بس حد قاعد ورا لازم هتحك

بالنسبة للسحب طبعا مش زى الالنترا لكن الفلوانس كمان سحبها مش جامد والعربيتين عموما عربيات تقيلة او زى ما بيقولو سواقتها عواجيزى شوية مش بتاحة شد وجرى لكن كثبات ممتازة

ناس كتير انا منهم بتدايق من خامات الصالون وكونها مش عملية شوية لكن هى شيك وقيمة يعنى الحاجات ديه يفضل تقعد فى العربيه بنفسك وتكون رايك لانها اذواق

طبعا مفيش كلام اكتر حاجة عملية من حيث الصيانة وقطع الغيار فى الفئه ديه هي الهيونداى لكن كقيمة عربية انا افضل الفلوانس ثم الكروز ثم الالنترا
ومرة تانية احسن حاجة تعملها تقعد فى التلاتة وتجربهم بنفسهم

رد: نصيحة مميزات وعيوب شيفرولية كروز
 

اشكر كل من ابدى برايه لاكن انتظر اصحاب الكروز ليقولو رايهم فى العربيه