مصر موتورز مجتمع السيارات - اهم النصائح اشتريت لانسر بومة

ربنا يباركلك فيها و يكفيك شرها .....

من افضل سوائل التبريد الموجودة بالسوق ..... موبيل ... و فيه سائل تبريد اخضر مكتوب عليه ميتسوبيشى ... من عند اى حد بيبيع قطع غيار اصلية .. انا جربته و غيرته عند 120 الف كم

الزيوت ..... انا بحب استخدم موبيل 1 ... او شيل هيلكس .. او زيت محركات مكتوب عليه ميتسوبيشى ... و كنت بجيبهم من عند محل قطع غيار اصلية فى صقر قريش

انصح حضرتك بالامور العادية خالص مثل :-
- الالتزام بمواعيد الصيانة ... و الالتزام بقطع الغيار الواجب استبدالها
البوجيهات الاصلية بتتغير كل 20 الف كم .... موبيل 1 او هيلكس كل 10 الاف كم ... و يتغير معاهم فلتر اصلى الى فى حدود 50 جنيه ...
بمناسبة الفلاتر .... فيه فلاتر ب 20 جنيه شبه الاصلى .. و فيه فلاتر ب 30 جنيه ... دول مش اصلى و انا لا انصحك باستخدامهم تماما
- قطع الغيار الاصلية غالية شوية .... بس لازم تستخدمها فى الحاجات المهمة التى لا تتغير كثيرا ... زى ... طقم الدبرياج .. قواعد الموتور ... الاويل سيلات
- قطع الغيار الخارجية التى تتغير باستمرار .... ممكن حضرتك متجبش الاصلى ... بس تدور على نوع تانى يكون كويس ... زى تيل الفرامل
الاصلى عامل 500 جنيه و بيتغير على 20 ال كم ... انا بجيب نوع اسبنى و بيتغير على 17 الف كم
الاهتمام بالعفشة .. مع العلم ان عفشة الانسر مش محتاجة تتربط كل شوية ... بس ممكن تغير جلب المقصات و مسامير الاتزان

ربنا يوفقك .. و انا تحت امرك فى اى استفسار