عايز نصيحه من اخواتي في المنتدي
 

السلام عليكم انا النهارده يا جماعه كنت ماشي في شارع وكان في عيال بيلعبوا بكوره مكسه جامده جدا وعيل منهم خبط الكره بكل قوه في الرفرف اليمين من ناحيه الباب بالظبط فطبق بس ممكن يترد علي البارد ان شاء الله فانا دلوقتي عايز نصيحه من حضرتكم انا اتصلت بمركز خدمه السبع فرع المنصوره بس للاسف معندوش سمكره ودهان اقلي لازم تروح فرع المعادي بس المشوار كبير جدا ومتعب والحكايه مش مستاهله اصلا ده مجرد هيفك الكرتيره وممكن يردها بايده فانا عايز اخد رأيكم اعملها عند اي سمكري في المنصوره عشان هوه مجرد هيفك الكرتيره وممكن يردها علي البارد كده خفيف ولا اسيبها وخلاص وهل فك الكرتيره وتركيبها مره اخري ممكن اي سمكري يعملها عشان انا عرفت ان الكرتيره بكلبسات ولا اروح توكيل المنصوره يفك الكرتيره وبعديها اروح لسمكري يعمل الخبطه وارجع للتوكيل يركب الكرتيره تاني ياريت يا جماعه حد ينصحني وانا عارف ان اخواتي هينصحوني وهيساعدوني ان شاء الله للافضل وجزاكم الله كل خير

رد: عايز نصيحه من اخواتي في المنتدي
 

رد: عايز نصيحه من اخواتي في المنتدي
 

ربنا يباركلك يعني حضرتك شايف اعمل ايه وجزاك الله كل خير

رد: عايز نصيحه من اخواتي في المنتدي
 

رأي المتواضع و برده تشوف رأي الأخوة انك تشوف سمكري كويس و المنصورة ماشاء الله مشهورة بالصنعية و تاخد بالك معاه عشان يقفلها كويس بعد ما يفكها و ربنا يسترها ان شاء الله

رد: عايز نصيحه من اخواتي في المنتدي
 

الموضوع على كلامك بسيط جدا .. واى سمكرى يقدر يعمله بكل سهوله ..

ده حتى انت تقدر تعمله بنفسك ...

اختيار سمكرى يكون كويس وخليك على ايده .. هو مجرد انه هيفك الفبره (الكارتيره) وده مش شغل اصلا .. وبعدين هيدقدق من جوه ع البارد لغاية لما يترد .. بس خليك معاه واقعد حسس على الخبطه كل شويه وبصلها بزاويه كل شويه لغاية لما تتظبط ..

والموضوع ده مش هيكلف اكتر من 20 جنية مصنعية .....