مصر موتورز مجتمع السيارات - شرح موتور السيارة حته حته متجدد حتي نفاذ شرح مكونات السيارة بإذن الله تعالي

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: شرح موتور السيارة حته حته متجدد حتي نفاذ شرح مكونات السيارة بإذن الله تعالي

ال ايه بي اس( An anti-lock braking system (ABS

اول تطبيقاتهذا النظام كانت في الطائرات - لاننا عارفين يعني ايه طياره تتزحلق - وهو عموما نظام قديم في الطائرات وحديث نسبيا في السيارات
كيف يعمل النظام
الفرامل كلنا يعرف انها بتشتغل بالنظام الهيدروليك وممكن يكون هناك مساعد ليها (سيرفو ) وهو القطعه الكبيره اللي متركب عليها ماستر الفرامل اللي هو طالع منه مواسير الفرامل
المهم الزيت زي ماحنا عرفين ما بيفهمش فلما تضغط فرامل جامد يقوم موقف العجل خالص وتفقد السيطره علي السيارة وتتجه في نفس اتجاه حركه القصور الذاتي بتاعها ، اللي مايفهمش حاجه من الكلام يعديها الان وهتوضح
المهم سياتك هتفقد اي وسيله للتحكم في اتجاه السيارة في اثناء الفرمله ، ففكروا انهم يمنعوا حكايه غلق الفرمله دي عملوا ايه
وضعوا اربع صمامات علي كل عجله صمام بيتحكم في كميه الزيت اللي واصل للماستر الفرعي - ماسترالفرامل اللي في العجله - وطبعا حطوا وحده تحكم في الصمامات اللي بتاخد المعلومات عن طريق سينسور اللي في كل عجله علي شان تمنع وقوف العجله وزحلقتها والزحلقه هي السبب الاساسي في عدم التحكم في السيارة اثناء الفرمله
وعلي شان تعرفوا مدي دقه النظام فالنظام يقدر يتحكم في غلق وفتح الصمامات 20 مره في الثانيه د0 العادي و دلوقتي اسرع من كدا كتير

http://www.youtube.com/watch?v=mKiTAcXK6M4

ايه يا جماعه هو انا هاشرح العربية من اولها لاخرها لوحدي فين المشاركه يا رجاله
وشكرا للي شكر وشكرا عليالثقه الغاليه ويارب اقدر اكمل الموضوع والله هوالمعين
برجاء عدم الاقتباس أو نشر المشاركات في هذا الموضوع بدون إذن مسبق ومن يخالف ذلك يتعرض للمسائلة القانونية

رد: شرح موتور السيارة حته حته متجدد حتي نفاذ شرح مكونات السيارة بإذن الله تعالي

الله ينور يا بشا
مشتاق ومش ماشى قبل شرح القطعة رقم 10001 ان شاء الله
جزاك الله خيرا

رد: شرح موتور السيارة حته حته متجدد حتي نفاذ شرح مكونات السيارة بإذن الله تعالي

باهي بك المختفي جه ورد هنا و الله كنت كل يوم اعمل موضوع
و يارب يديم عليك نعمه الصحه و يديم علينا نعمه مشاركاتك يا كبير

رد: شرح موتور السيارة حته حته متجدد حتي نفاذ شرح مكونات السيارة بإذن الله تعالي

الله يخليك ويتمم عليك الصحة والستر وراحة البال والسعادة ... اللهم آمين
لو عايزنى أظهر كل يوم كمل شرح القطع
دعائى لك مستمر من القلب

رد: شرح موتور السيارة حته حته متجدد حتي نفاذ شرح مكونات السيارة بإذن الله تعالي

توزيع قوة الفرملة إلكترونيًا(EBD) (Electronic brakeforce distribution‏)
وهي من انظمه السيارة اللي بتغييرقوه الفرامل (الكبح) لكل عجلتين او لكل عجله حسب الظروف بتاعه الطريق والسرعة والحمولة، إلخ.
ويمكن لنظام EBD)) مع (ABS) بعمل ضغط فرامل علي كل عجلة لتتمكن السياره من التوقف مع الحفاظ على التحكم في أتجاه بغض النظر عت وضع الأحمال بها زي الحمل الامامي للمحرك او حموله في الشنطه و يقوم ال EBD بتوزيع ضغط الفرامل اللي بيمنع الانزلاق في الملفات يحسن ABS مع EBD أيضاً توزيع قوة الفرامل بين الجهه اليسرى واليمنى بما يعزز ثبات العربيه