ساعدونى فى اتخاذ قرار الشراء
 

السلام عليكم
الحقيقة أنا محتار بين أكتر من اختيار
1- بى إم 525 موديل 2008 وعاجبنى فيها فخامتها خاصة إن الفيس ليفت أضاف شكل رائع للفتيس
2- أودى أيه 6 موديل 2008 أو أودى أيه 4 موديل أحدث وعاجبنى فيها الإنتريور الراااااائع جداً
ملاحظة مهمة أنا ميهمنيش خالص الشد والسرعات والمواتير الكبيرة يهمنى بس الشياكة والأوبشنز
ترشيحاتكم وياريت تدونى فكرة عن الأسعار خاصة الأودى حوالى كام
شكراً لمساعدتكم

رد: ساعدونى فى اتخاذ قرار الشراء
 

البى ام وبس مش تقليلاُ من شأن الاودى ولا حاجة بس اصلا لا الاودى ولا البى ام مكانهم الطبيعى شوارع المحروسة لكن البى ام حلولها كتير من اول المكنة للفوانيس موجودين واعادة البيع اسهل والصيانة بره التوكيل اسهل لكن الاودى جزيرة منعزلة تماماً فى الفئه ديه ومش هيبقى قدامك غير مراكز عائلة الفولكس وخبراتهم فى الاودى من الفئات ديه غالباً منعدمة

رد: ساعدونى فى اتخاذ قرار الشراء
 

أولاً بشكرك لاهتمامك
ثانياً فعلاً عندك حق فى نقطة الصيانة وناس كتير خوفتنى من الأودى لنفس السبب بس هى عجبانى جداً وقلت أشوف يمكن الكلام ده تهويل بس لو حتغلبنى أكيد فرصها معايا تقل للأسف

رد: ساعدونى فى اتخاذ قرار الشراء
 

هى مسألة ميزانية برضو يا صديقى لو فى ميزانيتك تجيب العربيه اربع خمس سنين تاخد خيرها وتأمن عليها وتبيعها بعدها قبل ما تفتح بوقها :D يبقى تمام
اكتر من كدة يبقى مينفعش
البى ام كمان سهل تلعب فيها وتقلبها m5 مثلا لكن لو كلاسيك الاتنين يمشو عادى

رد: ساعدونى فى اتخاذ قرار الشراء
 

لو تلاحظ انا بتكلم فى استعمال مش جديد ومحدد اموديلات عشان الميزانية
بانسبة للعب فأنا مش من هواته انا بحب الكلاسيك والشياكة ومليش فى السبور والتعديلات الضخمة كبيرى اعدل فانوس :)