عيوب ومشاكل البى ام 318 موديل 2000 - E46
2 مرفق
السلام عليك ....
لو اى حد من حضرتكو يعرف حاجه عن مشاكل 318 مو 99 &2000 اتوماتيك الفتيس العادى (القديم). ياريت يقوللى علشان فى واحد صاحبي عاوز يشتريها وبيسالنى وانا بصراحه معرفش عنها اى حاجه خالص . وياريت لو حد يعرف سعرها مستعمل تقريبا كام والاوبشنز والمميزات . واهم حاجه عيوبها والاعطال المنتشره فيها . وقطع الغيار المهمه . واستهلاكها للبنزين اخباره ايه واظن انا فى منتدى البى ام . ولكم كل الشكر والاحترام .. |
رد: ايه مشاكل البى ام 318 موديل 2000
معلوماتي مش كتير
بس معروف ان قطع غيارها غالية و بيعها تقيل شوية ان شاء الله احد خبراء البي ام يفيدك اكتر |
رد: ايه مشاكل البى ام 318 موديل 2000
خلاصه الكلام .. خليك في المانوال ... في الموديل ده
العفشه الومونيوم علي حد علمي بيتم استبدالها بمساعدين جديده مش فاكر ماركتها بتبقي ال housing بتاعها حديد ... الموتور زهر 4 سلندر 1600-1800-2000 سيسي حسب الموتور اللي راكب فيه منها هاي لاين و بيز لاين و انديفيدوال للاسف ماعرفش من امتي ( مش مهتم انا بالموديلات الجديده الصراحه) .. البي ام ال 4 سلندر معمول للاقتصاديه و entry level مابياكلش بنزين .. بس للاسف ماركبتش 4 سلندر في البي ام فمقدرش افيدك في الاستهلاك قطع غيار المستعمل كتيره في الحرفين - قطع غيار الجديد منتشر في التوفيقيه يفضل انك تشوف واحد معاه نفس الموديل ده و تساله عليها وتجربها كمان قبل ما تشتري |
رد: ايه مشاكل البى ام 318 موديل 2000
اقتباس:
بس افهم من (خليك فى المانيوال) ان الاتوماتيك بتاعها فى مشاكل؟؟ ولو حضرتك تعرف اى حاجه عن ميكانيكى او مركز خدمه بي ام معروف قولى عليه علشان نفحص العربيه عنده قب ما نجبها . ولو اى معلومه عن السعر ( اتوماتيك بدون فتحه سقف رشه حزام الحاله العامه جيد جدا) مو 99 |
رد: ايه مشاكل البى ام 318 موديل 2000
بص
انا واحد قريبي معاه واحده 2001 نفس الشكل تقريبا مافيش فيها اي مشاكل عربيه ممتازه و ركوب مريح جدا المشكلتين اللي لاحظتهم التكييف بتاعها بيجي عليه وقت يبقي مش كويس و عمله في التوكيل ب 4000 جنيه جابت وش سلندر بس دا نتيجه اهمال منه بصراحه |
الساعة الآن 07:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017