|
◄◄◄ مشكلة فى مسامير الجنط محتاج رأيكم فيها
الاعضاء الكرام عندى مشكلة فى عربيتى اللانوس فى مسامير العجلة الخلفية شمال (المشكلة فى عجلة واحدة بس ) المشكلة ان المسامير اللى رابطة الجنط الاربعة بتعمل صوت حكة او صفارة كل ما اتحرك بالعربية و الصوت بيزيد واحدة واحدة كل ما ازود السرعة شوية جربت انى احل المسامير الاربعة بتاعة فردة الكاوتش دى شوية و جربت امشى الصوت راح نهائى بس طبعاً ماينفعش امشى بالعربية كده و المسامير مهوية ياريت حد يفيدنى ايه الحل فى الموضوع ده هل ينفع يتاكل من المسامير شوية بحيث يبقى طولها اقصر 5 ميلى ولا ده ماينفعش ؟؟؟ و شكرا ليكم |
رد: ◄◄◄ مشكلة فى مسامير الجنط محتاج رأيكم فيها
اه نسيت اقول انى جربت اغير مسامير الفردة دى بمسامير فردة تانية بس نفس المشكلة بتحصل فى نفس العجلة طول ما المسامير مربوطة كويس يظهر صوت الحكة او الصفارة انما لو هويتها شوبة يروح الصوت
و لكن الفردة اللى بنقل ليها مسامير الفردة اللى فيها المشكة مابيظهرش فيها اى صوت رغم انى بربطها و بقرط عليها كويس |
رد: ◄◄◄ مشكلة فى مسامير الجنط محتاج رأيكم فيها
ببساطة شديدة يا تجيب مسامير اقصر
يا تطلع المسامير وتاكل منها على الصاروخ 3 مم دة كدة الحل السهل والسريع الحل التانى انك تفك الفردة وتطلع الطنابير وتبص عليها من جوة وتلفها بايدك هتشوف اية اللى بيحك |
رد: ◄◄◄ مشكلة فى مسامير الجنط محتاج رأيكم فيها
اقتباس:
وازود عليه انك قبل ما تقصر المسامير تروح لعفشجى يفك السره دى ويتمم على رباط طقم التيل لأن غالبا العيب منه |
رد: ◄◄◄ مشكلة فى مسامير الجنط محتاج رأيكم فيها
متشكر قوى على ردودكم ياجماعة و انا هخلى حد يتمملى على رباط التيل و لو ماجبش نتيجة هقصر المسامير
|
| الساعة الآن 02:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017