هل النيسان صنى حوت بنزين ؟
 

يا جماعة لو سحمتوا انا كنت بفاضل بين الميتسوبيشى لانسر و النيسان صنى (لسه مش عارف سوبر صالون و لا اى اكس صالون) المهم انا لاحظت ان فى ناس كتيير بتشتكى ان النيسان حوت بنزين فهل ده فعلا صحيح و هل تم علاج هذه المشكله فى موديلات 2011 و كمان هل فرق العفشة يستاهل فرق التمن بين السوبر والاى الاكس صالون ؟
و لو حد يتكرم من الناس اللى اشترت السوبر صالون يوقولنا اسعار 2011 عامله كام يبقى كويس جدا .
<!-- / message -->

رد: هل النيسان صنى حوت بنزين ؟
 

شوف حضرتك قبل ماحجز اتاكدت من الموضوع دة
روحت وسالت ناس في التوكيل معاهم صني مو2011 قالولي بتعمل حوالي 220 او 210 كيلو في الصفيحة ودة المعدل الطبيعي لمتور 1600 غير انهك ضافو حساس اكسجين بيوفر 10% من البنزين ودة في موديلات 2011 فقط
اطمن من الصني خالص

رد: هل النيسان صنى حوت بنزين ؟
 

بص ياباشا أنا معايا صني إي إكس 2010 وعربية جميلة جدا جدا بسم الله ماشاء الله بالنسبة لتمنها وحط ميت خط تحت تمنها دي على فكرة

بالنسبة للعربية مع غيرها.... اللانسر أحسن (بس انا بتكلم على اللانسر ال 1600)
وعموما صلي صلاة إستخارة وإتكل على الله.
آآه إنتا طبعا عارف إني الفرق بين السوبر ولاإي إكس مش بس عفشة ياعني في إضافات داخلية بردو كتير ودا فرق ممكن تعرفه أو تحكم عليه من وقفتك في المعرض وإنتا بتتفرج على الإي إكس ولاسوبر صالون بس انا عن نفسي إستكترت الفرق وخدت اعلى حاجة من الإي إكس (أوتوماتيك مع إي بي إس).ROSE4U
رأيي لو بتقارن بين الإي إكس واللانسر 1600 يبقى هات الإي إكس علشان فرق السعر كبير لصالح النيسان والأداء متقارب.
لو بتقارن بين الصوبر صالون واللانسر 1600 هات اللانسر علشان فرق السعر مبقاش موجود وأداء اللانسر أحسن.

رد: هل النيسان صنى حوت بنزين ؟
 

بص انا في الشركة كان عندنا صني 2006 و كانت فعلا حوت بنزين وواحد صحبي كان معاة 2007 وو بردو كان بيشتكي من البنزين لا كن موديلات 2010 و 2011 معنديش خبر

رد: هل النيسان صنى حوت بنزين ؟
 

شكرا جزيلا يا جماعة على النصائح الغالية ؟
والحقيقة يا دكتور إسلام و يا Phantia انا فى المقارنه كنت فى الأول عايز اشترى لانسر 1300 مانيوال و بعدين حد قالى ليه تشترى مانيول لما ممكن تشترى أوتوماتيك (يقصدوا النيسان ) فبقيت حاطط النيسان فى دماغى سواء ال اى اكس او السوبر صالون و بعدين المقارنه دلوقتى ما بين اللانسر 1600 مانيوال و النيسان ال اى اكس و السوبر صالون ؟
ايه رأيكوا و بعدين انا عايز اعرف السوبر صالون عامله كام دلوقتى ؟