مشكلة ريحة فى الفيرنا ... واحترت فيها
بسم الله الرحمن الرحيم الموضوع بدا فجاة وانا راجع بالعربية من الشغل ( فيرنا 2007 1600cc ) شميت ريحة شياط جامدة وقفت اشوف فى ايه ملقتش اى حاجة غريبة والريحة خارجة من الكبوت ومش عارف احدد منين ومفيش لا دخان ولا حاجة ... ركنتها قدام البيت ملقتش اى ريحة تانى يوم مجرد ما وصلت الشغل والعربية وقفت شميتها تانى ... مستنيتش وانا راجع من الشغل كشفت على تيل الفرامل والاسطوانة مفيهومش اى حاجة ... بس الصنايعى قالى ان فى بواقى كيس على الشكمان من قدام وهو دة السبب بس انا مقتنعتش بصراحة.. كدة المشكلة بقالها اكتر من يومين ... هل الكيس ممكن يستمر كل دة لان المشكلة لسة مستمرة حتى الان وان كانت الريحة خفت شوية ومش بشمها الا اما اقف خالص ... وايه اللى انا اقدر اعمله عشان اطمن ... وشكرا مقدما .... ومنجلكوش فى ريحة وحشة .... |
رد: مشكلة ريحة فى الفيرنا ... واحترت فيها
لو كيس بلاستيك لزق فى الشكمان ممكن يعمل الرائحة دى و تستمر لأيام ...
حضرتك ببساطة تتأكد بنفسك من الشكمان من اوله لاخره .. و لو وجدت بقايا كيس بلاستيك حاول تشيله بايدك تماما متابع معاك |
رد: مشكلة ريحة فى الفيرنا ... واحترت فيها
كنت داخل اقول كيس بلاستيك :)
|
رد: مشكلة ريحة فى الفيرنا ... واحترت فيها
معقولة الكيس يعد اربع ايام ؟؟ ويا بشمهندس احمد ازاى افحص الشكمان بنفسى ؟ ولا لازم اروح مغسلة او لحد بتاع شكمانات عشان ابص كويس من تحتها ؟
|
رد: مشكلة ريحة فى الفيرنا ... واحترت فيها
وارد برضه يكون حاجة غير كيس ساعات قطة صغيرة ساعات تعريق زيت
يفضل عند حد عنده بير او كوريك كبير |
الساعة الآن 03:53 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017