أستفسار لذوى الخبرة فى دايو لانوس
 

السلام عليكم ورحمة اللة وبركاتة أنا أشتريت دايو لانوس 2007 كانت عاملة 40 ألف ك هى دلوقتى عاملة 45 ألف كم المفروض أنى أغير سير الكاتينة و سير التكييف و تيل الفرامل والزيت و لا أية ولو كدة ممكن حد يقولى سعر الحاجة دى كام و أعملها فين وفى حاجة تانية التكييف أول لما بشغلة بيعمل رجة فى العربية دة عادى و لاكدة فية مشكلة بس هو شغال تمام وشكرا ليكم كلكم

رد: أستفسار لذوى الخبة فى الانوس مع الشكر
 

أولا ألف مبروك على العربية و يا رب يحفظها لك و يكفيك شرها
ثانيا سير كاتينة الدايو بيتغير عند 45 الف كم و كل 45 الف كم و ده طبعا بيكون معاه البلى الخاص بالكاتينة
اما بالنسبة لباقى السيور فممكن تسيبها لو كويسة بس الأفضل تغيرها عشان معاد تغيير السيور متقارب جدا
و بالنسبة للزيت فده حسب الكيلو متر بردو فى زيت بيتغير كل 10 الأف كم و فى نوع بيتغير كل 5 ألاف كم أسال صاحب العربية الأول عن نوع الزيت و كانت عاملة كام كيلو عند تغييره و عن طريق قراية العداد هتعرف محتاجين نغيير الزيت ولا لأ
أو ممكن تريح دماغك و تغيير الزيت علطول
و اخيرا بالنسبة لتيل الفرامل ملوش علاقة بالكيلو متر أو المهم طريقة القيادة و مكانها يعنى لو الغستخدام فى سفر فقليل لما ادوس فرامل و بالتالى التيل هيعيش كيلو متر اكتر لكن لو بسوق فى وسط البلد و كل شوية ادوس فرامل يبقى أكيد هغيير تيل كل كيلو متر صغير
ممكن تعرف حالة التيل عن طريق الكشف عليه
أبو غالى عامل عروض خاصة لأعضاء مصر موتورز و شوف التفاصيل على الينك ده
http://www.masrmotors.com/vb/showthread.php?t=5034
يا رب أكون جاوبت إجابة كاملة

رد: أستفسار لذوى الخبة فى الانوس مع الشكر
 

شكرا جدا حقا أستفدت من معلوماتك بس معلشى برضة عايز أعرف تكلفة الحاجات دى كام معلشى أستحملنى و اللة يبارك فيك ويجازيك خير

رد: أستفسار لذوى الخبة فى الانوس مع الشكر
 

سير الكاتبنه فى حوده 40 الى 45 جنيه و غالبا مش هاتحتا تغير معاه البلى حاليه هاتغيره على ال 80 الف كيلو

السيور الاخرى هيه و حالتها يعنى لو كويسه يفضل انك تخليها و لو موسوس غيرهم و خليهم معاك احتياطى و سعرهم بيتراوح من 25 الى 35

و الزيت بقى شوف نوع زيت انت بتفضل او اسال صاحب العربيه الاول كان بيستخدم زيت ايه و كمل عليه (بلاش موبيل 1 ) زيت ظبيخ معاد تصنيعه معفن جدا جحدا و بيطير

رد: أستفسار لذوى الخبة فى الانوس مع الشكر
 

أنا متشكر ليك أنا أتصلت بأبو غالى وسألت على ألأسعار قالوا لى سير الكاتينة 62 و سير التكييف 27 بلية الدينامو 200 جم بس المصنعية قالوا لى لما تيجى أية رأيك ألأسعار دى كويسة