مصر موتورز مجتمع السيارات - فئات الموتوسيكلات.

الموتوسيكلات زى العربيات بالظبط , زى مالعربيات فيها سيدان وهاتشبالك وجيب (suv) وكل فئة بتختلف عن التانية فى فى أسلوب القيادة, الشكل والغرض, الموتوسيكلات بتتقسم لفئات هنعرفها مع بعض.

1- الريس :مين فينا مصحيش بليل على صوت حاجة بتعمل فوووووووووه, ده يارجالة هوه الريس.
الريس فئة موتوسيكلات خفيفة جدا وقوية جدا بالنسبة لوزنها, وده بيديها تسارع جبار وسرعة قصوى مهولة, ده غير شكلها الأنسيابى الجميل, وهو ده سر شعبيتها بين الشباب

http://www.motorshop-desmet.be/uploa...r_001groen.jpg

المشكلة فى الريس أنه بيسخن بسرعة, ولازم يتمشى بيه على طرق سريعة علشان يبرد كويس, فى الزحمة بقى كأنك قاعد على فرن, ده غير قعدته اللى بتلوح الظهر و"حتت تانية444546", ولازمله زى بالكامل مش خوذة بس زى ما جاك شرح فى موضوع السيفتى
http://www.sargentcycle.com/images/WSHOCBR954a.jpg

يعنى اللى يشترى يايكون شاب مبيلبسش بدل أو هدوم رسمية, مبتفرقش معاه الحر والسلقة فى اللبس الجلد(السيفتى) ولبس السيفتى وسعره الغالى, يا واحد معاه عربية وجايب الموتوسيكل لعشقه ليه ولركوبه, وسعر الريس كويس ورخيص, عيبه أستهلاك مرتفع للبنزين.
http://www.hondacbr600rr.net/gallery...+cbr+600rr.jpg

2- الهارلى أو الكاستم( موتوسيكل ضباط الشرطة) :وده طبعا مش محتاج تعريف, ملوك الموتوسيكلات, مواتير كبيرة جدا فى السعة وقوة حصانية جبارة, يشبه من السيارات الكابريس, العزم قليل بالنسبة للريس, لاكن لما الريس يقفل عداده ده هيكمل, وطبعا أتقل من الريس بمراحل.
http://burnyourfuel.com/gallery/2010...od_Special.jpg

وطبعا ده غير الريس فى قعدته وطريقة سواقته, لأنه بيتطلب قوة بدنية علشان توجههه, بس بتستريح من قعدة الريس ومشاكله, ومش لازم تلبس سيفتى كامل, وطبعا ده أكتر موتوسيكل مناسب لسفر, علشان قعدته مريحة جدا بالنسبة للريس وسرعته
عالية وثابت ممكن تسيبه يمشى مع نفسه.

http://static.howstuffworks.com/gif/...tail-deuce.jpg

عيبه أنه غالى جدا, وبتمن هارلى تجيب فيرنا على الأقل وتعمل منها عروسة, وأستهلاكه فى البنزين عالى جدا.

http://www.motorcyclenews.com/upload...uscle-2009.jpg

3- الأسكوتر(الفسبا): مش عارف دى محسوبة علينا موتوسيكل ولا لأ, المهم, الفسبا هى شركة أيطالية لتصنيع الأسكوترات اللى بيطلق عليها فى مصر أسم الفسبا وأشتهرت فى التمانينات والتسعينات فى مصر وأدت الأسكوتر أسمه.
موتور صغير جدا وأقتصادى جدا فى أستهلاك البنزين, صيانة سهلة جدا, وقطع غيار موجودة, ومفيد جدا للمشاوير القصيرة ومريح فى سواقته وقعدته وثمنه رخيص.
العيوب هى نفس المميزاتايه ياترى,و أنا هسيب الصور تتكلم.

http://www.pauseminimin.com/wp-conte...6/vespa011.jpg
http://www.tradenote.net/images/user...4_Vbb_150_.jpg
http://www.tradenote.net/images/user...s_Like_Vbb.jpg

4- أنواع تانية: طبعا الموتوسيكلات الصينى مالية مصر, ومينفعش بأى طريقة تصنيفها حسب شكل أو موتور, علشان كده هنحطها فى فئة واحدة, الموتوسيكلات دى رخيصة جدا, وأستهلاكها للبنزين قليل علشان أمكانيتها المحدودة وسرعتها القصوى القليلة, والناس بتجيبها تبهدلها الا من رحم ربى من الناس اللى جايبنها لغرض معين.
والعيال التييييييت عندنا بيجبوها ويشيلوا علبة الشكمان وصوته مزعج وعالى جدااااااااا, أكيد كلكم عارفين عين شمس عاملة أزاىANAA7TG.
http://www.tayomotor.com/oledit/Uplo...1419240324.jpg
يمكن عيبه أنه فى موتوسيكلات منه قطع غيارها موجودة وفيه لأ, وممكن أثنين كل واحد يشترى موتوسيكل نفس النوع ومع ذلك واحد يبوظ بعد سنة والتانى بعد 10.
http://image.made-in-china.com/2f0j0...YH150-RC3-.jpg
http://www.wasitak.com/adpics/4a3ecd...b120a46bb8.jpg

5- الدراجات الجبلية (dirt bikes): طبعا كعادة المصريين الجهابزة فى الفهلوة وأستخدام الحاجات فى غير أستخدامها, البايك ده معمول للطرق الجبلية مخصوص, وبره فى أمريكا مبيترخصش من المرور للطريق خالص, البايك ده بيتميز بمواتيره الصغيرة وعزمه اللى أعلى من الريس بمراحل وده بيديله تسارع جبار وقدرة على صعود المنحدرات, لكن هورس باور قليل جدا وبالتالى سرعة قصوى قليلة.
http://www.travelizmo.com/archives/k...-bike-2008.jpg
وده مش مناسب للطرق العادية من جميع النواحى, الأطارات معمولة للأراضى الجبلية, سرعة قصوى قليلة, تانك بنزين صغير,أرتفاع عالى جدا بالنسبة للريس عن الأرض, وده بيفيده فى الأراضى الوعرة لكن بيديله ثبات أقل على الطريق وعادى بيمشى فى شوارع المحروسة منه كتير.
http://www.dirtbikefanatic.com/image...-dirt-bike.jpg
http://www.rock-n-role-motorsports.com/images/moto6.jpg

نرجو أن تكونوا أستفدتم, والموضوع معملكوش ملل وأحباط زى ماعملىفلوس كتير.