|
|
رد: للرد على استفسارات الاعضاء والدعم الفنى لمالكى الفيرنا
هو فى سؤال بسيط مش المفروض ان الفيرنا اتوقف انتاجها من كوريا يبقى غبور افندى بيجيب حاجتها ازاى وبالتحديد الماتور بيجيبة منين وبيجيبة كامل ولا بيجمعة فى مصر لانى رحت منافذ قطع الغيار بتاعة غبور ولقيت قطع غيار للفيرنا مكتوب عليها صنع فى كوريا
|
رد: للرد على استفسارات الاعضاء والدعم الفنى لمالكى الفيرنا
السلام عليكم ورحمة الله
اخبار الفيرنا فى البرد معاكم ايه يا شباب وخصوصا الفتيس انا عندى بيتظبط يجي بعد نص ساعة كده من السير والتشغيل هل ده طبيعي وقبل كده بيعض وتقيل وبيشخط ساعات ومبيعشقش مظبوط خصوصا فى المارشدير العربيه عامله 39 الف كم بمشيئة الله وجايبها من الزيرو ومغيرتش زيت فتيس خالص ولا عملت اى صيانه فيه ومحدش يقولى الضمان عشان خلاص انا بره الضمان ومرحتش ولا مره؟ *****وهل تكرار الشخط او التعشيق الغلط للفتيس وخصوصا المارشدير وهى بارده بيعمل ايه وايه الاثار اللى بتحصل تدلنى ان فى الفتيس مشكله ؟ *****ازاى تضمن التعشيقة المظبوطة للمارشدير وانت بتنقل ؟ اقصد زى ما بنقل الاول والتانى والتالت والرابع بيطون عميانى لكن الخامس لانه قليل جدا استعماله الا فى حالات السفر والمارشدير قلما يستخدم فمش متعود عليه بالمهارة بتاعة الاول للرابع وده مينفيش انها وهى بارده بتعض فى كل النقلات عامة والمارشدير خاصة . على فكره انا كان عندى اكسيل موديل 95 وكنت بشتكى من ونة فى الفتيس وغيرتله بلى واتظبط وبقيت عضه صغير فى النقلات وهى موجوده ايضا فى الفيرنا الزيرو من اول يوم استلامها ووجدت جارى بيقولى نفس الكلام وحتى بعد ما غير فتيس واضح انه عيب اصيل فى الهيونداى عامة والفيرنا خاصة؟ نرجو التوضيح المستفيض وشكرا جزيلا |
رد: للرد على استفسارات الاعضاء والدعم الفنى لمالكى الفيرنا
السلام عليكم
بالنسبة للشكمان ايه اللى ممكن يركب زى الديفل بس صوته هادى وغير مزعج ؟ وايه الفرق بين التربو والديفل ؟ وهل فى حاجه بتكون شكل بس للشكمان وفيه شكل وصوت كمان بس انا عايز صوت هادى وناعم وشكرا |
رد: للرد على استفسارات الاعضاء والدعم الفنى لمالكى الفيرنا
السلام عليكم
فيرنا ماشية حوالى 41 الف كم من الزيرو مو 2013 الفتيس مش مريحنى فى النقلات خصوصا المارشدير ومغيرتش زيت فتيس الفبريكا لسه الايام اللى فاتت دى برد جامد طبعا الفتيس بيعمل بصعوبة شديدة جدا لحد بعد مثلا نص ساعة تشغيل بيكون على طبيعته انا عليت الدبرياج سنه صغيره وبرده اوقات بلاقي حشرجه فى التعشيق خصوصا المارشدير انا خايف تكرار حشرجة النقلات دى تبوظ الفتيس وتدخلنى فى متاهات ؟ ربنا يستر متابع حضراتكم للاهمية وشكرا جزيلا |
رد: للرد على استفسارات الاعضاء والدعم الفنى لمالكى الفيرنا
السلام عليكم
العربيه فى البرد مش مظبوطه بمعنى الفتيس صعب الحركة وشكله من عيوب الفيرنا لانى قريت كده فى الكتالوج بتاعها ثانيا / العربيه بتعمل مدافع فى الشكمان وهى بارده ومقدرتش تطلع مطلع صغير عامل كانه مطب له ميل مش عالى ؟ ( العيب ده بيتكرر على فترات متباعده بس خاصه والعربية بارده ) مع العلم انى مغير فلاتر وزيت ومنضف الحساسات قريب والحمد لله الدوارة تمام الصبح ثالثا دواسة البنزين مخنوقه بعض الشئ فعامله احساس ان السحب مخنوق لكن لما بدوس ع الدواسه اجمد شوية السحب بيكون مظبوط الحمد لله هل عيب ثانيا ده له علاقة بطلمبة البنزين اصلا مدافع الشكمان دى بتظهر ع البنزين بس مش الغاز ؟ متابع للاهميه وشكرا جزيلا |
| الساعة الآن 05:40 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017