![]() |
صيدليه مصر موتورز
يمكن ديت اول مشاركه ليه كصيدلي حابب يفيد الناس المحترمه في مجال خبرته والموضوع جه معايا بظروفها وبقالي يومين بفكر اعمله ولا لا.؟وقررت اعمله
ليه؟؟؟؟؟؟؟؟؟؟؟؟؟؟؟ الوااااد ابن اخويا اتعور ....شقي بقي .المهم ادور علي اي مطهر او انبوبه مضاد حيوي او حتي شاش وبلاستر الزقهاله.؟ ملقتش....لحد لما جيت الصيدليه وبعت مع ابوه ( اخويا) والحمدلله جات سليمه... وثانيا....والدتي ادام الله عليها نعمه الصحه قالتلي ان زمان كان بيجي من ضمن حجره النوم رفين خشب بيطلق عليهم صيدليه وبيحتفظوا فيها بالاسعافات الاوليه واي دواء بعيدا علي ايدي الاطفال... فنصيحه اخويه....الادويه تتشال في اماكن خاصه بعيدااا علي ايدي الاطفال وحبيت برده اضيف شويه ادويه من المفروض توافرها في بيوتنا... وخصوصا احنا داخلين علي الصيف... ستربتوكين اقراص او انتوسيد للمغص والاسهال.. باي بروفينيد او كيتوفان للصداع.. شاش وقطن وبلاستر وقزازه مكركروم او جنتيانا او اي مطهر.. كونجستال او اي شريط للبرد.. شريط زانتاك عشان الحموضه او فوار راني.. قزازه قطره بروزولين او فايزين كغسول للعين.. حقنه فولتارين كمسكن سريع... وكفانا الله واياكم الامراض... وانا واعوذ بالله من كلمه انا تحت امر سيادتكم في اي شيء يخص الادويه... واسف للاطاله |
رد: في بيتنا............صيدليه
اشطه عليك يا دكتور وياتري الحاجات دي حنشتريها من عندك ولا حتيديهلنا كادوه |
رد: في بيتنا............صيدليه
يا ابو حميد هي جات يعني في جمل .دول كام شريط وهديه لمصر موتورز واعضائها المحترمين.
وربنا يعافي الجميع . بس الفكره حبيت انوه الحاجات الصغيره ديت بتنفع وقت زنقه دور مغص او اسهال ..شويه صداع |
رد: في بيتنا............صيدليه
ياباشا انا عندي درج اسمه درج الدواء فيه جميع انواع المراهم والقطرات والحبوب اللي تخطر علي بالك ومتخطرش لو محاتاجه حاجه للصيدليه قوللي وانا اظبطك |
رد: في بيتنا............صيدليه
تسلم ايدك يا دوك على الموضوع المفيد |
الساعة الآن 02:27 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017