مصر موتورز مجتمع السيارات - ارجو المساعدة عاوز اعدل العربية علشان تدور بزرار Start Engine Button.

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

ارجو المساعدة عاوز اعدل العربية علشان تدور بزرار Start Engine Button.

بسم الله الرحمن الرحيم
السلام عليكم ورحمة الله وبركاته

الاخوة الافاضل اعضاء المنتدى
انا عاوز اعدل العربية علشان تدور بزرار Start Engine Button بدل الدوارة بمفتاح فى الكونتاكت
ارجو التوضيح ممكن اركبه فين ويكلف كام تقريبا وان امكن رقم تليفون الصنايعى اللى هيركبه علشان ارتب معاه قبل ما اروح له
انا من بنها والعربية ان شاء الله لانسر بومة
وشكرا

ملحوظة:
علشان محدش يتريق او اى تعليقات ملهاش لازمة انا عندى بتر فى ايديا الاتنين ومركب جهاز تعويضى يعنى بالبلدى مبعرفش الف المفتاح
فعاوز اعمل العربية زى السيراتو الهاى لاين العربية تدور بزرار

ولكم جزيل الشكر مقدما
والسلام عليكم ورحمة الله وبركاته

رد: ارجو المساعدة للضرورة...

ألف سلامه عليك

وأبدلك الله خيرا

------------------

وبالنسبه لموضوع

Start Engine Button

فيمكن لأى كهربائى شاطر يخدلك فردتين سلك كهرباء من الكونتاكت

الخاصتين ببدء الدواره

ويحط الزرار الكهربى Button

فى أى مكان ترغب فيه ويكون فى متناولك

وممكن يركبهولك فى متناول القدم اليمنى إن أردت هذا

والتكلفه هتبقى بسيطه جدا

زر المارش أو ال Button بيعمل حوالى 20 جنيها

ومصنعيه وخلافه ( نقول 40 جنيها على الأكثر )

رد: ارجو المساعدة للضرورة...

الأخ الفاضل
أظن ان حضرتك تقصد الجهاز ده

http://www.alibaba.com/product-gs/38...rt_button.html

بضغطة زر يقوم بفتح الكونتاكت ثم تشغيل المارش
ثم ضغطة آخرى لايقاف المحرك
وكذلك فتح الباب بدون مفتاح أو ضغطة ريموت كونترول
حقيقى لا أعلم اذا كان موجود فى مصر أم لا
ولكنك يمكنك شراءه من الصين وسعره فى حدود 120 دولار
واذا لم تتمكن من شراءه، فنحن نتعامل مع احدى الشركات الأوروبية ولديها نفس المنتج ولكن لا أعلم السعر بالضبط
ولكنى أفضل لك شراءه من الصين فالسعر أقل بكثير

رد: ارجو المساعدة للضرورة...

كما تفضل الاخوة الكرام
الموضوع سهل جدا
كهربائى شاطر يركب مفتاح تكتين ومعاة مفتاح بوش بوتون والطريقة سهلة جدا
مفتاح تكتين اول تكة وتانى تكة هايقومو بدور التكتين بتوع الكونتاكت
ومفتاح البوش هايعمل عملة التكة التالتة بتاعة المارش
وبامر الله سبنى النهردة هاسالك الكهربائى بتاعى شاطر جدا وخريج توكيلات هاسالة على الطريقة والحاجات اللى هاتيجى والمصنعية
وفى النهاية لو تسمحلى اجيلك بنها ناخد العربية ونوديها للكهربائى هايكون لية الشرف بس لو اة يكون يوم جمعة

رد: ارجو المساعدة للضرورة...

أولا: جزاكم الله جميعاً خيرا لدعواتكم واهتمامكم اللى بيدل على اننا فعلا اخوة فى الله
وانا كنت عامل حاجة زى كده فى العربية القديمة وكانت زرارين واحد كهرباء والتانى مارش ومزود زرار فصل حركة بس انتم عارفين القلق ولو حد كسر الزجاج فكده يبقى العربية شكرا
وحاليا انا بعتها وعاوز اعمل حاجة امنة اكتر

اقتباس:

المشاركة الأصلية كتبت بواسطة samirayad (المشاركة 612517)

جزاك الله خيرا لدعواتك وشكرا لاهتمامك ولردك
فعلا ده اللى كنت عامل زيه بس كان غير امن خصوصا ان لازم الغى Lock الدريكسيون

اقتباس:

المشاركة الأصلية كتبت بواسطة atgps (المشاركة 612527)

الله يوسع عليك
هو المطلوب فعلا كده بس معمول له اقل طلب 100 قطعة
بس هل فى صنايعى يقدر يركبه هنا فى مصر؟
واسف لسؤالى ممكن حضرتك تعرف لى سعره كام عند الشركة اللى حضرتك بتتعامل معاها وايه هى كل مواصفاته
وشكرا جزيلا

اقتباس:

المشاركة الأصلية كتبت بواسطة mr_astra (المشاركة 612537)

جزاك الله خيرا وبارك لك فى اهل وصحتك ومالك
وانا ليا الشرف انى اعرف شخصية محترمة زيك
وان شاء الله انا بخلص فى العربية الجديدة وبجهز كل حاجة علشان اول ما تيجى انجز على طول ومتعطلش
واكرر شكرى لذوقك

واكرر شكرى لكم جميعا وجزاكم الله خير الجزاء