رينو ستيب واي ولا أفيو
 

يا جماعة انا خلاص مش قادر افكر احترت بين الاتنين الأفيو والرينو السانديرو الستيب واي،
انا عارف ان دي سيدان ودي هاتشباك لكن ده مش فارق معايا المهم عندي انا عاوز عربية تكون اعتمادية وتتحمل السفر و حد اقصي للسعر 80 الف ، ياريت من خبراء مصر موتورز يساعدوني في القرار السليم إن شاء الله، وياريت من الأعضاء الكرام لو اي حد ليه تجربه ويقدر يساعدني يفيدني ارجوكم، واكيد كتير كانوا محتارين زيي .

شكرا مقدما للجميع

رد: رينو ستيب واي ولا أفيو
 

الافيو عربية متجربة ومصر كلها راكباها فمش هتقلق من قطع غيار ومن تصليح ومن سعر بيع
الاستيب واى لسة جديدة وهاتشباك مساحتها منجوة معقولة بس مفيش شنطة كبيرة
الاهمن احتياجك واستخدامك للعربية اية ؟


انا بتقديرى الرينو انا شخصيا مبحبش الافيو
تحياااااااتى

رد: رينو ستيب واي ولا أفيو
 

أولا انا متشكر جدا لحضرتك علي الرد السريع، الحقيقة حضرتك لخبطني قولتلي مميزات جامدة في الأفيو وفي الآخر قولتلي الرينو أفضل في رأيك، أنا العربية بالنسبالي هتكون عائلية لاسرة صغيرة من تلت افراد وهحتاج اسافر بيها مرة في الاسبوع في حدود 150 كيلو وزيهم في العودة ، لو حضرتك تقدر توضحلي ايه العيوب اللي شايفها في الافيو اكون شاكر ليك.

رد: رينو ستيب واي ولا أفيو
 

انا معايا رينو لوجان ومش هقولك السانديرو علشان هى رينو
لكن هقولك حاجه الافيو هى هى اللانوس
والرينو رينو لو بتتكلم على الاعتماديه والثبات وعوامل الامان (يكفى انها اوروبى )
وشنظه الستيب اواى شنتطها 320 لتر يعنى اكبر من شنطه اللانوس السيدان يبقى الشنطه كمان كبيره
وان كان على الوسع السانديرو اوسع من الافيو بمراحل وكمان كراسى مريحه وقعده ممتازه واوبشن عالى

اما بالنسبه للافيو انا مش هقول اكتر من ان قريبى كان معاه افيو وباعها وكان ناوى يجيب كروز لكن قرر يبعد عن شيفروليه اساسا لانه فقد الثقه فيها تماما تماما تماما وزود على اللى معاه وجاب فلوانس الفئه ااقل من الهاى لاين

اسف على الاطاله اخوك عبد الحليم

رد: رينو ستيب واي ولا أفيو
 

ألف شكر عبد الحليم ، أنا فعلا حابب الستيب واي وعاجبني شكلها جدا لكن قلقان من قطع الغيار والتصليح واعادة البيع وده اللي مخليني متردد اجيبها .