مصر موتورز مجتمع السيارات - استفسارات بخصوص لانوس 2013

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - استفسارات بخصوص لانوس 2013 (https://www.masrmotors.com/vb/showthread.php?t=116133)

استفسارات بخصوص لانوس 2013

السلام عليكم

اخيرا وبعد عناء ولف ودوران وبحث مضنى بقالى شهرين على عربية وبعد الاسعار النار دى قررت اجيب جديدواخترت اللانوس ف حجزت عربيتى اللانوس امبارح وان شاء الله ح استلم بكرة فكان عندى شوية استفسارات كده..؟مع العلم انى فى اسكندرية
1-بالنسبة للريموت و الانذار لو عايز ريموت تانى اجيبه منين؟ وبخصوص الانذار هل فى امكانيات مش شغالة ولا كل امكانياته مفعلة ولو مش شغالة اروح التوكيل يظبطه ولا بره؟
2-هل فيها وحدة رفع ولا لأ ولو مفيش دى اركبها برة ولا فى التوكيل احسن علشان الضمان.؟
3-كنت بفكر اغير الجنط واركب جنط 14 من اولها احسن ولا استنى شوية.؟
4-ايه الحاجات اللى ممكن اعملها للعربية اظبطها بيها ومتخرجنيش من الضمان.؟
واسف للإطالة...

رد: استفسارات بخصوص لانوس 2013

الفيرنا افضل انصحك تغير الحجز وتجيب فيرنا علي الاقل موتور 1600 مش 1500 ومفهاش عيوب في الطنابير والفرامل زي الانوس اللي هتحتاج تغير الطنابير والتيل اول 1000 كيلو وموتور الفيرنا يستحمل التكييف اما الانوس فمتورها 1500 وبيبقي مع التكيف سيء جدا الانوس لو عايز تجيبها تجيبها دايو مستعمل انما لو عايز زيرو هات الفيرنا وعلي العموم مبروك مقدما

رد: استفسارات بخصوص لانوس 2013

اولا شكرا على ردك ثانبا انا من الناس اللى مش بترتاح للفيرنا وعن تجربة 6 شهور طلعت عينى فيهم
ايه حكاية الطنابير والتيل اول 1000 كيلو دى؟؟؟؟؟؟؟؟؟؟؟؟؟؟؟؟

رد: استفسارات بخصوص لانوس 2013

http://www.masrmotors.com/vb/showthread.php?t=79430
اقرأ الموضوع ده كويس بتعليقات الساده الاعضاء وهوه هيفدك جدا

رد: استفسارات بخصوص لانوس 2013

أولاً ربنا يديك خيرها ويكفيك شرها بالنسبه للريموت لوطلع وولف فهتعمله الواحد ب50ج في توكيل وولف 6أكتوبر أو جسر السويس ولوطلع جوفيترونيكس زي اللي عندي ففيه موضوع كامل في موضوعاتي عن هذا الريموت وصورته فالتوقيع عندي بس الريموت ب75ج .
ثانياً لا يوجد بها وحدة رفع ولو ركبتها بره التوكيل هتخرجك بره الضمان هاتها وركبها فالتوكيل وظبطها بره براحتك عالأقل كتبت أنها ركبت عندهم في ورق السياره .
ثالثاً بالنسبه للجنوط براحتك خالص معاك فلوس غيرهم وجنوطها شغاله مش هتضرك في حاجه وفيه مواضيع كتيره للأستاذ عصام غنايم فالمثبت هتفيدك كتير .
تقبل تحياتي