رد: رابطة ملاك الكيا برايد
 

عندى مشكلة عويصة مع البرايد
الصراحة هما كام مشكلة مش واحدة
1- زيت الفتيس بيقل ك او 2ك كل شهر وفنى المحطة قالى انت محتاج تغير ساعة زيت الفتيس مع ان العربية مانيول وكاوتشة معلقة سالت حلمى سليمان قالى فى التوكيل فى مصر الجديدة !!!
2- غربلة طول الطريق مع العلم ان الكاوتش كويس بس الجنوط وحشة والترصيص بيقول ان الدنيا تمام وفية اتنين ميكانيكية قالولى احتمال تبقى كبالن داخلية
3- سلك الكيلومتر بيتباع خلع ؟؟ استيراد يعنى
4- محدش عالج الرجرجة بتاعة التابلوة دى ؟؟
ارجو المساعدة والرد .. شكرا جزيلا

رد: رابطة ملاك الكيا برايد
 

1- اسأل عن ساعة الفتيس عند الجندى فى شارع دمشق مصر الجديدة او فى توكيل كيا ... او دور عليها استيراد فى الوكالة عند محلات قطع غيار الاستيراد الكورى
2- الكبالن الداخلية حتطلع صوت تكتكة ... ممكن يكون بلى عجل وخصوصا لو ظبطت الزوايا والعربية لسة بتحدف منك وعاوز تتأكد اقفل ازاز العربية وانت ماشى واسمع صوت ونة حتتاكد انها بلى عجل ... عموما روح لحد بتاع عفشة علشان ممكن تكون محتاج تغير جلب وكاوتشات عفشة
3- سلك الكيلوميتر بيتباع استيراد بس احسن هات الاصلى من حلمى سليمان حتلاقية ب55 او 60 جنية ومش حيعمل معاك الرعشة اللى بيعملها سلك الكيلوميتر الصينى فى العداد (دى من الحاجات اللى غيرتها عندى)
4- الرجرجة بتاعت التابلوة دى بنسبة 99% سببها ظبط ابرة الهوا فى الكرابراتير مع ظبط كهربة العربية ودى حاجة من النوادر انك تلاقى حد بياخد بالوا منها او بيعرف يعملها ... لانى بعانى من المشكلة دى زيك ومفيش غير واحد بس بتاع كربراتير هوة اللى ظبطهالى شوية

رد: رابطة ملاك الكيا برايد
 

اشكرك ياباشا على الرد الوافى
ولو ممكن استفسر منك على كام حاجة كدة
التوكيل اصلا فين او لو فية نمرة تليفون تبقى خدمتنى جدا
تانى حاجة انا فعلا مغير بلى عجل ومعنديش ونة هى الرجرجة اللى مخليانى عمال اغير فى حاجات والميكانيكيا قالك الكبالن الداخلية ممكن ما تطقطتقش
سلك الكيلو متر جيبتة من عند حلمى سليمان مركبش فى العربية اصلا لازم يتدق مرتين اشترية منة بنفس الطريقة

رد: رابطة ملاك الكيا برايد
 

السلام عليكم اود ان اشكر جميع من فى هذا المنتدى المفيد على تعاونهم مع الاعضاء
ثانياً كان هناك سؤال بالنسبة لمراية الكيا بريد العصفورة هل لها بديل بيتم قفله حتى لو بتاع عربية أخرى مش مهم المهم يركب كويس

اكرر شكرى للجميع

رد: رابطة ملاك الكيا برايد
 

اعتقد مرايه السايبا تنفع