كلاكيت أول خبطة
 

الحمدلله - الحمدلله - الحمدلله
بالأمس تمت اول خبطة لسيارتى الجديده ( لانوس مو2010 )
الحكاية باختصار:
ميكروباص رحلات (مينى باص 26 راكب) ptmnlo123per170فى ش جسر السويس كان على يمينى وانا فى اقصى الشمال
ميكروباص تانى من يمينه رمى عليه - قام الباشا رمى عليا والنتيجه
جروح قطعيه وتطبيق فى الرفرف اليمين الخلفى والباب اليمين الخلفى ptmnlo123per1106
الحمدلله على كل حال
لكن من الخضة من صوت الخبطة - نزلت وقفت الشارع كله وجبت السواق من قفاه وخدت منه رخصته وبطاقته
وبعد زعيق وشتيمه ptmnlo123per1116- توصلنا انه يصلحها على حسابه
حاولت اتصل بالناس بتوع التامين او المعرض اللى اشتريت منه عشان حد يقولى اعمل ايه - لكن للاسف تقريبا كلهم جايبين لب وسودانى وقافلين موبايلاتهم ptmnlo123per111ptmnlo123p er130 وقاعدين مستنين يشوفوا جدو هيجيب كام جون فى انجلترا
المهم : طلعنا على سمكرى من معرفه السواق عشان يصلحها
روحنا للسمكرى رد جزء ع البارد وجزء تانى باللمبه
ولسه عاوزة تترش بقى - المفروض راشها على حسابه برده

لكن فكرت اروح التوكيل واعملها على حساب التامين عشان تتعمل كويس
قالولى كان لازم تجيبها من الاول ويطلع خبير يصور الخبطه
برده الحمدلله ptmnlo123per111

سؤالى لحضراتكم (ياريت لو حد عنده خبره فى موضوع التامين ده ) :
اجادل مع التوكيل والتامين عشان يرشوها ولو حكمت ادفع جزء من تكلفه الدهان
أم اعملها بره واريح دماغى سواء على حسابى او حساب الواد السواق منه لله ؟؟؟؟؟؟

سؤال كمان :
لما نظام التأمين بالشكل ده : يبقى كان لازم اكون بارد واسيب اللى خبطنى يمشى واقوله ميرسى ع الخبطة
واقوم رايح للتامين يصوروها ويصلحوها - طب اللى خبطنى ده مالوش اى جزاء ؟؟؟؟ :121D6A~142:

حسبى الله ونعم الوكيل

رد: كلاكيت أول خبطة
 

لا طبعا مش الفكرة انتا المفروض اول ما تتخبط تعمل محضر يعني امين شرطة يهز ديله ويجيلك يثبت حاله ويعمل محضر للعربية ويثبت اللي فيها في المحضر وياخد تعهد علي السواق بتحمل اي تكلفة واهم من ده كله لازم تاخد صورة من المحضر ده ويكون ماضي عليها اللي خبطك وامين الشرطة علشان تضمن حقك 200% ولو امين الشرطة رفض اقلعله ملط واعمل نفسك بتكلم واحد مهم في الشرطة وارعبه واجبره علي انك لازم تاخد صوره من المحضر مش تاخد رقم المحضر وبالسلامة يا قلبي وابقي قابلني لو عملك حاجة وبعدين تصور انتا كمان العربية فيديو وبعدين انتا بتتصل بالتامين بتديهم رقم المحضر وبيبعتولك واحد من عندهم بيصور العربية بردك وبيقدرها هتتكلف قد ايه وبتاخد بعضك وتطلع علي التوكيل وتصلحها علي حسابهم ولو في نسبة تحمل هتحملها للسواق الحمار ده اللي خبطك وانا لو منك كمان اخد منه تعويض لان لو فكرت تيجي تبيعها الخبطة ديه هتنقص من ثمن العربية

والف سلامه عليك يا استاذ بنداري

رد: كلاكيت أول خبطة
 

رد: كلاكيت أول خبطة
 

حقآ ! حســـبنا اللـه و نعم الوكـيل !

ايه يا أستاذ كورسير حكاية القلع ملط دى ؟؟ ptmnlo123per1106 دى تانى مره النهارده أقرأها فى مشاركاتك !
الآولى لما جيت تغير الكاوتش على حساب شركة التأمين ! قلعت لهم ملط ! عايز أسألك 3 أسئله يا جارى العزيز

فى مقابلة المنتدى الآخير ! ايه فائدة القلع ملط ! و لما بتقلع بتودى هدومك فين ؟ و تعمل ايه لو حد من اللى بتقلع

لهم طلع ( مش ولا بد ) و مستنى اللحظه دى ؟؟؟ :HAPPY_~211: ههههههااااههه اضحك يا راجل !
اوعى يا أستاذ بندارى تسمع النصيحه دى ! بعدين مش كويس علشانك !

Dr. Bolbolan ptmnlo123per122

رد: كلاكيت أول خبطة
 

شكرا ياباشا على شعورك
طب قلى : هيه الحكايه دى تخرج العربيه من الضمان ولا ايه ؟
مش مهم السواق ولا التكلفه ومش مهم حتى التامين يدفع (ماحدش بيتعلم ببلاش )
هيه الشغلانه بسييطه - يعنى الدوكو هيبقى مساحه مربع 30×30 سم تقريبا
لكن خوفى يقولولى انهار خرجت من التامين عشان عملت سمكرة بره