مصر موتورز مجتمع السيارات - تقرير عن الالنترا بعد صيانه الالف كيلو

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - تقرير عن الالنترا بعد صيانه الالف كيلو (https://www.masrmotors.com/vb/showthread.php?t=20480)

تقرير عن الالنترا بعد صيانه الالف كيلو

النهارده عملت صيانه ال 1000 كيلو
رحت من نويبع لاقرب موكز معتمد لغبور فى شرم الشيخ لان شغلى فى نويبع
اتفرجت على الصيانه كامله لانى كنت مع العامل ولاحظت الاتى
1-العربيه كانت مرفوعه فى الهوا وقفت تحتها ولقيت مافيش تصفيح للموتور بس عاملين حركه حلوه محطوط حاجه زى قضيبين تحت الموتور والموتور غاطس جوه فطبعا صعب حاجه توصله من تحت
2-حطيت زيت 10000 وغيرت فلتر وربطت العفشه ودور الموتور ماسمعتش صوته ابدا الاول كنت بسمع صوته على السلانسيه مش عالى قوى بس مسموع وكنت قرفان جدا من كده
3-اخدت العربيه وفى طريق الرجوع قلت اطلع عينها تجارب بقى كفايه دلع
4-من شرم لنويبع المساقه 160 كيلو جربت السرعه وقفلت العداد 220 كيلو فى الساعه ولاحظت ان العربيه فعلا فعلا بتجرى جامد قوى والتسارع لحد 160 ممتاز بعد كده بيقل لحد ماتقفل العداد
5-انا تقريبا كنت ماشى على 220 لمده دقيقه بس لاحظت ان الثبات برضه هايل لحد ال 190 بعد كده خطر جدا الموضوع ممتع طبعا
6-الكلام ده كله من غير ماركب جنوط وبصراحه خايف اركبها لانى هاطمع فى السرعه
7-التكييف جربته تلاجه ياجماعه مع ملاحظه ان درجه الحراره النهارده فى جنوب سيناء 33 والتاثير مش فارق قوى على الموتور مش متلاحط يعنى

الخلاصه العربيه بتجرى بغباء انت بتحط رجلك على دواسه البنزين وبتلاقيها سرحت معاك الرجاء اللى معاه النترا يخللى باله قوى وفعلا العربيه دى محتاجه abs مع ان الفرامل فيها ممتازه حن على البشر بقى ياعم الخديوى غبور

اه نسيت استهلاك البنزين حسبته لتانى مره عملت 517 كيلو ب 29 لتر فى الطرق المفتوحه او السفر
والله على مااقوله شهيد

رد: تقرير عن الالنترا بعد صيانه الالف كيلو

مبروك عليك بس ما خوفتش على العربية من تقفيل العداد ده فى رايى هلك للموتور وكمان فى ملاحظة حضرتك ذكرتها ان العربية ثباتها ممتاز مع ان اغلب الاراء بتقول ان الثبات فوق 140 فى الباى باى غريبة!!!

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة hossamdoaaaa (المشاركة 135792)

الله يبارك فيك ياباشا
طبعاخفت لانى اول مره اقفل عداد فى حياتى بس ماتقلقش على الموتور انا قعدت مقفل العداد حوالى دقيقه ونزلت تانى ل 190 ثم 150
انا ماسمعتش ان العربيه ثباتها بعد ال 140 فى الباى باى وعموما اسال اللى معاه العربيه هو اللى ممكن يقولك

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة lol64 (المشاركة 135787)

علي فكرة في اضافات فرامل ABS وايرباج 2 أو 1 للسائق بس للالنترا الاوتوماتيك بس مش المانيوال

يا جماعة اصبروا و غبور هيفرحكو جامد جدا قريب و الله
بس مينفعش اتكلم خالص دلوقتي
بس الصبر

رد: تقرير عن الالنترا بعد صيانه الالف كيلو

ياريت يااستاذ محمود انا حتى باحس انه عدو الجنوط الاول هههههههههههه