مصر موتورز مجتمع السيارات - حقيقة البنزين الـ80

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - حقيقة البنزين الـ80 (https://www.masrmotors.com/vb/showthread.php?t=82069)

رد: حقيقة البنزين الـ80

اقتباس:

المشاركة الأصلية كتبت بواسطة hamaad (المشاركة 637987)

الموتور اللى بيحط 80 عمره ما يشتغل كويس ويوسخ البوجيهات ويغور مع الزحمة

أه ما جبتش حاجة من عندى :1286B2~161::1286B2~161:: 1286B2~161::1286B2~161:

رد: حقيقة البنزين الـ80

كل واحد حر فى عربيته يحط 80 يحط 95 ان شاء الله سولار طالما انه شايف ان مفيش ضرر وكمان مش فارق معاه السحب والعزم والكلام ده

رد: حقيقة البنزين الـ80

اقتباس:

المشاركة الأصلية كتبت بواسطة أحمد عثمان محمد (المشاركة 639814)

بعد الردود دى و فى الآخر ده ردك؟؟؟؟؟؟؟
:fun_36_1_28[1]::fun_36_1_28[1]::fun_36_1_28[1]::fun_36_1_28[1]:

اللى حصل انى غلط وحطيت 15 لتر 92 وكملت التانك 80
من ساعتها العربية بقت مخنوقة ومابتدورش
ومش منتظمة فى السلانسيه
وبهدلتنى آخر بهدله
عشان كده حبيت أستفسر عن مكونات البنزين ال80
يمكن لما حطيته على ال92 عمل البلاوى دى
اللى يجنن بقى انه بعد نص التانك العربية الحمدلله رجعت كويسة
بس الصراحة ال80 بيفرق كتير فى الميزانية
وفرق الأداء مش كبير أوى يعنى
انا محتار ومش عارف أعمل اه
وطبعا مش هخلط النوعين تانى عشان ميحصلش اللى حصل

رد: حقيقة البنزين الـ80

اقتباس:

المشاركة الأصلية كتبت بواسطة Vanditta (المشاركة 639764)

انا حاقول اهوة :HAPPY_~211:

ال 80 زى الفل للعربيات اللى نسبة انضغاطها اقل من 1:9

انا عندى اما بمون 80 وغالبا ما بيبقى من نص الشهر كدة لحد الاخر عشان الظروف :shyy:

العربية عزمها بيقل جدا واحيانا كتير بتسقف لو مش واخد بالى وبسوق عادى مش مدى خوانة (عشان ال80 لية سواقة معينة كدة ):thnkr:
اناعارف انى لازم اظبط الكهربا على ال 80 بس فى الاخر هيا هيا برضو عشان تظبيط الكهرباء بيقلل موضوع التسقيف دة مش بيقضى علية تماما
فا الافضل انى اسوق سواقة ال80 اما امون 80
واسوق طبيعى اماامون 90 :lvly:
وتقبلو مرورى

سؤال لولبي مباشر : إيه هيا سواقة الـ 80 دي لو سمحت؟
وياريت يا جماعة أي حد من الإخوة الأعضاء يوضحلي الفرق وبشويش كدة وعلى مهلكوا لأني ماسمعتش عن الموضوع دا قبل كدة.
المطلوب تعريف كلا من "سواقة الـ 80 VS سواقة الـ 90" ثم جدول مقارنة بسيطة بين كلا منهما.
وبالتوفيق والنجاح إنشاء الله.:01AD96~139:

رد: حقيقة البنزين الـ80

اقتباس:

المشاركة الأصلية كتبت بواسطة dr_eslam_66 (المشاركة 641536)

مع انى حاسس بنبرة تريقة بس مش مهم اكيد حضرتك ماتقصدش
ولو كلمة سواقة 80 مزعلاك يا سيدى انا بعتزرلك عشان ماوضحتش معناها اللى اقصدة ظنا منى ان اللى بيحط 80 و 90 عارف انااقصد اية

اقولك الفرق يا باشا هو مش محتاج جدول ولا حاجة
كل الحكاية انة فى ال80 بلغى شوية حاجات طبيعية اى حد بيعملها وهو سايق

1-فى الطلعة لو حد راكب معايا رجلى لازم تبقى تقيلة شوية على البنزين عشان العربية ماتسقفش ولا تكركر زى مابيقولو (فى ال 90 لا)

2- لو خدت مطب ماينفعش اطلع على التانى عشان هاتسقف لو ماخدتش بالى وطلعت عادى من غير ما اوازن الدبرياج مع البنزين كدة سنة سنة لحد ماتطلع (فى ال90 بطلع عادى جدا ولو العربية واقفة كمان ممكن اطلع على التانى )

3- فى كل غيار لو نقلت اقل من 3 ار بى ام الغيار اللى بعدية بيشلنى على مايجمع سرعتة وياسلام بقى لو على طلعة كوبرى (فى ال 90 بنقل على 2-2.5 ار بى ام وكل غيار بيجمع بسرعة عادى جدا)

4- احيانا بتبقى ماشى هادى وعايز تسرع فجأة فبتدوس بنزين جامد عشان العربية تسحب لو فى ال 80 العربية هتسقف مع الدوسة الجامدة دى (فى ال 90 بتسحب عادى جدا ) ف بنسى موضوع التسارع دة لو مفول 80

4- مع ال80 العربية مابتجيبش اكترمن 100-110 مهما فحت الدواسة
مع ال 90 بتجيب 120 وبيبقى لسة فية سحب بس مابزودش عشان العربية عندى خفيفة اوى على السرعات

ف نقدر نلخص الموضوع دة كلة فى الفرق بين سواقة ال 90 الطبيعية وسواقة ال80
1- رجلى لازم تبقى تقيلة على البنزين فى الطلعة لو محمل
2-فى كل مطب لازم اطلع منة على الاولانى
3-الغيار لازم ياخد حقة تماما لو عايز اجارى بس العربيات اللى جنبى فى الطريق (مش بشد)
4-مابحاولش اعدى ال 100 عشان مابتعديهاش
5- مابحاولش اسرع مرة واحد عشان ماتسقفش وباخد الغيار واحدة واحدة على مايجمع سرعتة

ممكن يكون الكلام دة كلة بيحصل عشان الكهربا لازم توطى عشان ال 80
بس انا زى ماذكرت مابحطش 80 الا فى اواخر الشهركدة (مضطرا) غيركدة بحط 92
ف ماينفعش اظبط كهربتى على ال 80 وعشان كدة بحاول اتعايش مع الموقف بما يسمى سواقة ال 80 اللى مزعلة حضرتك دى
اسف للاطالة وتقبل مرورى :CONGRA~238: