رد: أسعار قطع غيار إبيزا 99
 

مشكور يا باشا ما حرمنا الله من رايك و مشورتك

رد: أسعار قطع غيار إبيزا 99
 

لا شكر علي واجب يا باشا :)

رد: أسعار قطع غيار إبيزا 99
 

الموضوع ده حلو جدااااااااااااااااااااا معلش يجماعه ليه سؤال مهم جداااااااااااااا أنا قدامى عربيه سيات أبيزا 94 رشه بره ومن جوه فابريقا بالكماليات و1300 سي سي ب 34 ألف هل ده سعر مناسب ولا إيه

وعايزه أعرف إستهلاكها للبنزين عامل إيه ؟ وهل أسعار قطع الغيار المكتوبه لموديل 99 هيه نفسها أسعار قطع غيار 94 ولا بتكون أقل ولا إيه أرجوا الإفاده

وهل العربيه أبيزا 94 أحسن ولا أونو ولا هيونداى أكسيل بليز ردو عليا بسرعه قبل مالعربيه تتباع
أنا اللى قدامى دلوقتى الأبيزا 94 اللى قولتيلكوا عليها

وياريت لو تنصحونى أخد بالى من إيه فى حالة الشراء وهل رفعها فى البنزينه اللى مدينة نصر يغنى عن وجود ميكانيكى لأنى معرفش ميكانيكى

معلش يجماعه أسئلتى كتير أرجو الإفاده

رد: أسعار قطع غيار إبيزا 99
 

مردتوش عليا ليه :(

رد: أسعار قطع غيار إبيزا 99
 

معلش انا مخدتش بالي من المشاركة ..

34 الف كتير

واحد صاحبي لسه شاري امبارح ابيزا 2001 فابريقه بالكامل فول اوبشن مرايات كهربا 4 ازاز كهربا تكييف الفابريقه مش متركب و تحريك قمرة الفانوس من داخل العربية و فيها طقم جنوط سبور 16 انش و عفشه سبور و حالتها ممتازة ب 36 الف !!

و استهلاك البنزين حلو جدا انا حسبته قبل كده بس كان الموتور محتاج صيانه فلاتر و بوجيهات و كده و طقم الدبرياج كان بايظ عملت معايا 200 في الصفيحة غير اني بحرق و بجري كتير بعد ما عملت الصيانه و ظبطتها و بقيت امشي معقول بحط ال 30 لتر بيعدوا معايا ما لا يقل عن 5-7 ايام مع العلم انها بتتحرك كل يوم

قطع غيار ال 94 نفس رينج قطع غيار ال 99 بس فيه حاجات اقل شوية

بالنسبه للاونو و الاكسيل الابيزا تكسب الاكسيل قطعا ! تكسبها ثبات و اعتمادية و صاج انما الاكسيل تكسب في انها واسعه و ليها شنطه عربية عائلية يعني انما الابيزا اضيق منها طبعا و شنطتها اصغر

و انا مش بثق في ميكانيكية البنزينات اغلبهم مبيفهموش حاجة الاحسن توديها لمحمد سمير ورا حديقة بدر في جسر السويس هيكشف عليها و يقولك تمام ولا لا من الاخر ..

بالنسبة لتاخدي بالك من ايه اولا الموتور لازم تكون حالته كويسه ميكونش مثلا حالته 50 او 60% لان كده ده يبقي قدامه شوية و يحتاج طقم شمبر لا الموتور الحلو حالته متقلش عن 70%

بالنسبة للعفشه مش مهم لو فيها حاجة في العفشه محتاجة تغيير بسيطه حاجة عفشتها رخيصه و موجوده في كل حته و تتجاب و تتغير و تنتهي المشكلة

الحوض و القوايم خدي بالك منهم كويس جداااااااا لو العربية عامله حادثه و حاجة من دول اتصابت يبقي تبعدي عنها فورا ! و طبعا الشاسيه يتكشف عليه