مكان الولاعة تلف مين اللي بيصلحه
 

عربيتي اكسل وطفل وضع قلم في فتحة الولاعة وخربها فمين اللي بيصلحها ( الكهربائي - الميكانيكي ...) ؟
وبتتكلف كام ؟ وهل بتتغير ؟ وبكام ؟ ارجو الافادة<!-- google_ad_section_end -->

رد: مكان الولاعة تلف مين اللي بيصلحه
 

بالنسبة للولاعة ممكن أولا حضرتك تشوف هل هيه بتشتغل ولا لأ ، لإن ممكن يبقي القلم مبهدلهاش ولا حاجة بس إتحركت من مكانها ، وبعدين إللي بيصلحها الكهربائي وفي الحالة ديه لو هيه بايظة حتحتاج تجيب ولاعة تانية بتركب للإكسل وديه مش غالية يعني مش حتعدي ال 20 أو 25 جنيه وبتتباع عند بتوع الإكسسوار ، والكهربائي مبياخدش وقت في تركيبها ممكن ياخد فيها 10 جنيه .

رد: مكان الولاعة تلف مين اللي بيصلحه
 

شكرا جزيلا

رد: مكان الولاعة تلف مين اللي بيصلحه
 

السلام عليكم
ولاعة الفيرنا اتحرقت !!!!
بسبب عدم انتباهي قمت بالضغط على الولاعة ونسيت اسبها عشان لما تسخن تطلع لوحدها بسبب الطريق يعني سرحت (غباء مني طبعا) المهم الولاعة لاقيتها دخنت وطلعت دخان رحته وحشة اوي لدرجة اني من كتر الخوف كنت هسيب العربية واجري ههههههههههههه

لفيت عند كل بتوع الاكسسوار وروحت التوفيقية مش لاقي ابدا الولاعة بتاعت الفيرنا
يا ترى الاقيها فين لو حد يعرف
وعلى فكرة انا مش عايزها عشان ادخن السجاير لا والله دة عشان بركب عليها الشاحن والام بي ثري كار ولما كنت بولعها كان لواحد قاعد جمبي وادي اخرة اللي عايز يساعد حد ف حاجة فيها ضرر

معلش طولت عليكو

رد: مكان الولاعة تلف مين اللي بيصلحه
 

ممكن يكون الفيوز ضرب و الولاعه سليمه لان مش قلم اللي حيخرب ولاعه.
و عموما لو بايظه حاول تجيبها استعمل انضف و اضمن
هات واحده استعمال افضل لانها حتبقي اصلي