مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - صوت كركبة (https://www.masrmotors.com/vb/showthread.php?t=47447)

صوت كركبة

عندى مشكلة جديدة فى عربيتى وهو انى بسمع صوتين هشرحم بالتفصيل علشان اقدر اساعد فى المشكلة بشكل اوضح...

أولاً: صوت كركبة واضح جدا اول مبدور العربية وانا على السلانسية بسمعة ناحية التابلوه من جوة قصاد الكرسى اللى جنب السائق وقربت شوية ناحية الصوت حاسس انه جاى من ناحية سيور الدينمو والتكييف بس مش متأكد الصوت دا بسمعه وانا ماشى على الأول او فى الإشارات وانا واقف غير.. بالإضافة لعلو المكنة فى بعض الأوقات مع انى معنديش ار بى ام بس بحس ان الموتور بيكون عالى وبعد وقت قصير بيرجع الطبيعى بتاعه..

ثانياً: عاوز افهم ايه هى بلية الدرك دى ومكانها فين وعلاقتها بالدبرياج

وشكراً

رد: صوت كركبة

اقتباس:

حاسس انه جاى من ناحية سيور الدينمو والتكييف

أشحن بطاريتك كويس

ونزل سير الدينامو

ودور

لو راح الصوت

يبقى العيب فى بلية الدينامو أو طنبورة الدينامو

المهم حاليا

هو تشخيص العيب

رد: صوت كركبة

يا كبير ربنا يبارك فيك ويخليك بس قولى اشحن البطارية دى ازاى؟؟؟

وعامل ايه فى الظروف اللى ميعلم بيها الا ربنا دى ؟:fun_36_3_3[1]:

رد: صوت كركبة

يا باشا فعلا كلام مضبوط جدا ولو العيب من السير يبقى تروح لميكانيكى ممكن يكون مشدود شوية هو طبعا هيصلحة وربنا معاك

رد: صوت كركبة

الف شكر على إهتمامك يا أخى محمود بس أعتقد أن شد السير ملوش علاقة لأن الصوت كركبة وكنت الأول بسمع صوت نحر برة العربية قبل مركب الكارتيرة اللى بتغطى السيور والطنابير بتاعت سيور التكييف والدينامو علشان المياه وخلافه... بس اعتقد ان الصوت مسمع جوة وللعلم انا مكنتش بسمعه خالص لأنى كنت بمشى فاتح الإزاز بتاع العربية على طول مبسمعش من دوشة الشارع حاجة جوة العربية ولكن اليومين اللى فاتوا دول علشان البرد وخلافه سمعت الصوت