مصر موتورز مجتمع السيارات - كام حاجة عملتها قولت افيدكم بيها زي ما بستفاد منكم

اول حاجة السلام عليكم وان شاء الله تكونوا بخير
ثانياً ندخل ف الموضوع حتى لا أطيل عليكم
---------------

طبعاً من فترة عربيتي عملت حادثة و كانت بالطريقة دي
http://im32.gulfup.com/KaYWA.jpg
بعدها قررت ادخلها سمكرة و دوكو عشان ترجع :(

المهم اخويا قالي في سمكرى صاحبه روحتله و عرضت عليه الامر المهم قالي انه هياخد مصنعية 800 جنية و عايز طبلتين و عتبة و اللي هيتعمل كالأتي
هيزرجن القايم عشان يرجع زي ما كان ويركب الطبلتين بدل القدام لانهم مصديين و هيركب العتب
المهم زرجن و ركب و كله تمام و جبت الطبلتين و العتبة ب180 جنية من الكابلات طبعا اخويا اهمل ف متابعة العربية لاني كنت مسافر و لما رجعت فوجئت ان الطبلتين مش مظبوطين ع العربية لكن كان بعد فوات الاوان و اخويا دخلها الدوكو و الراجل بتاع الدوكو قال انه هيعمل الجنب اليمين كله بالشنطة دوكو فرن بـ550 جنيه و قد كان و الحمد لله طلعت بالنسبة لـ اللون مفيش مشكلة لكن بالنسبة للبابين مش مظبوطين زي ماكانوا بالاول للأسف و استعوضت ربنا عشان محرجش اخويا
و دي صور الشغل ع العربية

http://im39.gulfup.com/slsKY.jpg
http://im39.gulfup.com/mL1px.jpg
http://im39.gulfup.com/NTP5K.jpg
http://im39.gulfup.com/mE8HX.jpg

المهم خلصت والحمد لله دخلت لضبط الابواب تاني عشان يركب الاوكر و الكوالين و يظبط الراجل كان هاين عليه يتف ف وشي ويقولي مين ابن الـ@#$% اللي عملك الجنب ده لكن سكت و كتم المهم ظبطت الكهرباء و الابواب بقدر الامكان لكن الباب اليمين قدام قالي انه عايز خابور عشان يتثبت كويس و كمان الباب الشمال قدام برده عايز خابور عشان عامل ازعاج ف المطبات قولتله الخابور يكلفني كام قالي فك و تركيب و خراطة الباب الواحد ب120 جنيه قولتله هفكر و اقولك ف ياتري فعلا الخابور ده سعره ولا ايه !؟

المهم بعد ما استلمت العربية نازل ف يوم من الشغل لقيت الفرامل مش موجوده ههههههههههههههههههههههههه ه مشيت واحدة واحدة لحد ما لقيت بتاع فرامل جنب الشغل ف السابع روحتله فك الاربع عجلات عشان قولتله بالمرة شوف فرامل ورا مالها و ظبطها المهم فك الاربع عجلات قالي فرامل ورا عايز تيل و كاوتشة و فرامل قدام عايز يظبط هواء قولتله اوكي توكل ع الله و هو بيفك جه ع بالي فكرة قولت اعملها وهو يعني اللي عملها قبل مني احسن مني ف ايه :fun_rofl: المهم الفكرة هي اني ارش التنابير للون احمر و بالفعل تابعوا بالصور

الاول ده بعد فك العجلات و مراجعة التيل خلفي

http://im32.gulfup.com/QIQBG.jpg
و بعدها بدل عمل التيل الخلفي و تركيبه
http://im32.gulfup.com/sQvxo.jpg
بعدها عمل غسيل للتنابير و التيل الخلفي و الامامي
http://im32.gulfup.com/bw63K.jpg
بعدها عمل صنفرة بسيطة للتنابير عشان ابدأ ارش اللون
http://im32.gulfup.com/gidaf.jpg
و ده الاسبراي اللي جبته بـ 10 جنيه من بتاع الكماليات
http://im32.gulfup.com/qIrwP.jpg
و ده بعد ما رشيت التنابير و التيل

http://im32.gulfup.com/OSUTn.jpg

و بالنسبة لبتاع الفرامل اخد مني 120 جنيه اجمالي المصنعية و التيل خلفي و ظبط الهواء امامي

و شكراً :)

و أسف للإطالة
http://www.gulfup.com/?n6rG6T