هام : ايه اخبار بولونيز كعربيه ؟
 

<table width="100%" border="0" cellpadding="0" cellspacing="0"><tbody><t r><td>
</td> <td>
</td></tr></tbody></table>هل البولونيز عربيه كويسه

هي في 1500 س س

تنفع لها تكييف

وايه اسعارها و عيوبها وميزتها

ارجوا الافاده

رد: هام : ايه اخبار بولونيز كعربيه ؟
 

البولونيز عربية كويسة بس لو مش متهانة أنا معايا من 86 كنت جايبها زيرو صاجها حديد عيبها الاساسى الحرارة يعنى بتسخن بسرعة جدا بتوصل للتسعين فى عشر دقايق بس ممكن التغلب على ده بطريقتين تغيير الرادياتير برادياتير نحاس 3 ماسورة مع وضع مروحة اضافية على الطنبورة بس المشكلة انها ممكن تخبط فى مروحة الردياتير عشان راسها كبيرة من ورا وده تتغلب عليها بتغيير مروحة الردياتير بمروحة سيارة فيات32 قطش.

اسعار قطع الغيار ممتازة ومتوفرة فى كل حتة وبيركب عليها حاجات ال25

وهى ليها عيب تاتى بس انها تقيلة يعنى ما بتجريش وده كمان عشان على كارونة مش كبالن. صالونها واسع جدا شنطتها كبيرة والكنبة الخلفية بتطبق وتفتح على الشنطة, يعنى ربع نقل صغيرة. بالنسبة للتكييف اعتقد انه هيضعف الموتور, وعلى فكرة موتورها ممكن تغيره وتركبلها موتور الفيات 132 2000 , هى بتاكل بنزين شوية عشان تقلها يعنى ممكن تعمل ما بين 160 و180 كيلو فى الصفيحة.

رد: هام : ايه اخبار بولونيز كعربيه ؟
 

رأى شخصى بعد ما ركبت البولونيز حوالى 15 سنة (ثلاث موديلات)... سيارة ممتازة و حمالة أسية بجد و لاكن عيبها الجوهرى......... البــــــــــــــــارومة ( الصدأ )