اسعار صيانة الرينو في التوكيل لكل انواعها
 

السلام عليكم
دي اسعار صيانة الرينو في التوكيل لكل انواعها لكن طبعا الاسعار دي من غير غيار الزيت
ارجو التثبيت لنشر المعلومة و الفائدة
شكرا

رد: اسعار صيانة الرينو في التوكيل لكل انواعها
 

شكراااااااااااااا

رد: اسعار صيانة الرينو في التوكيل لكل انواعها
 

السلام عليكم
شكرا اخى العزيز على مجهودك بس انا عايز اقولك على حاجه
فيه اسعار هنا غلط وده من واقع تجربتى
انا معايا لوجان 2010 وعامله 21000 كم وعملت كل الصيانات من 5000 و10000 و15000 و20000 فى توكيل رينو بالاسكندريه بالعامريه

طبعا صيانه ال 5000 وال 15000 مجانيه مجرد تشييك وتربيط وفحص

مكتوب فى الشيت اللى حضرتك رافعه ان صيانه اللوجان ال 10000 مبلغ 1445 جنيه وانا عامل صيانه ال 10000 ودفعت فيها تقريبا على مافتكر 850 جنيه لتغيير زيت ال10000 وفلاتر

صيانه ال 20000 كم مكتوب فى الشيت انها تتكلف 433 جنيه وانا لسه عاملها من اسبوعين تقريبا ومتكلفه بالزبط 770 جنيه وشامله تغيير زيت 10000 كم وفلتر زيت وهوا وبوجيهات

معنى كده ان الاسعار دى غلط ولا يعتد بها مع الاعتذار ليك طبعا ومشكور جدا على مجهودك بس الاسعار دى غلط

رد: اسعار صيانة الرينو في التوكيل لكل انواعها
 

الاستاذ mokhtar 87200
اسعار الصيانة لاتشمل اسعار الزيوت و انا كاتب ده في الاول يعني صيانة ال 20000 كم الي حضرتك عملتها بــ 770 جنيه جزء منها سعر غيار الزيت تقريبا 250 جم و لو نزلته منها نلاقي ايه 250-770 = 420 زي الجدول
صيانة ال 10000 كم عبارة عن 145 جم + سعر الزيت 250 = 400 جم و دي الاسعار لو التوكيل شاف انك مش محتاج تغير اي شيء تاني
لكن زملاء ليا قالوا ان التوكيل بيغير احيانا بعض قطع الغيار الي بيلاقيها استهلكت في اول 10000 كم قبل ميعادها و ده ساعات بيرجع لعدم تعودنا علي السيارة الجديدة
و جاري دفع الاسعار ديه + تمن الزيت بس
يعني الاسعار الموجوده في الملف بدون سعر زيت او اي تغييرات ضرورية للمحافظة على السيارة
شكرا

رد: اسعار صيانة الرينو في التوكيل لكل انواعها
 

تمام يا باشا كلامك سليم معلش انا ماشفتش موضوع الزيت ده وافتكرت الاسعار دى شامله بس فعلا زى ماحضرتك بتقول اكيد هما بيغيروا حاجه قبل ميعادها بس لحد دلوقتى معايا بصراحه توكيل محترم