مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   كيا KIA (https://www.masrmotors.com/vb/forumdisplay.php?f=38)
-   -   اساس مشكله جوان وش السلندر المتكرره في السيفيا (https://www.masrmotors.com/vb/showthread.php?t=69266)

sharooo 04-10-2011 02:35 AM

اساس مشكله جوان وش السلندر المتكرره في السيفيا
 
السلام عليكم
ناس قالتلي قبل كده ان السيفيا فيها عيب انها بتجيب جوان وش سلندر وان وش السلندر بتاعها ضعيف
عرفت مؤخرا اساس الموضوع ايه
وانا ماشي بالعربيه فجأه لقيت الحراره عليت وركنت والحمد لله جت سليمه بس اخدت بالي ان المروحه مش شغاله وقعدت اشوف مش شغاله ليه معرفتش لان الفيوزات والكتاوت وكله سليم...المهم لقيتها اشتغلت لوحدها!!!! قلت خير تلاقيها مكنتش شغاله عشان حساس الحراره مكنش حاسس عشان كان فيه بخار وكده
المهم اتكرر الموضوع تاني بعديها بشهرين وربنا ستر برضه بس المره ده مرضيتش تشتغل ابدا
فشغلت التكييف عشان اعكز على المروحه التانيه لغايه لما اروح واتصلت بجمال مهران وقالي على العيب في التليفون وهو مايلي:
ان علبه الفيوزات بتاعه السيفيا والشوما بتهرب كهربا من عند فيوز المروحه وبتحتاج تتفك وتتلحم من جوه بقصدير بطريقه معينه ...وصلحهالي الحمد لله ومخدتش وقتز
وعشان كده اغلب الناس مش بتاخد بالها ان العربيه سخنت وجوان السلندر بيتلف منهم....والعيب مش بيكون كما ظهر للناس
ارجو تكونو استفدتو يا جماعه وربنا يسترها علينا كلنا.....امين:fun_36_3_16[1]:

محمد فيصل 04-10-2011 05:44 AM

رد: اساس مشكله جوان وش السلندر المتكرره في السيفيا
 
جزاك الله خيراً شكر وتقدير
اللهم قنا شر المراوح المعطلة
اللهم قنا شر الطريق ويسر لعبادك الصالحين كل امر عسير

ahmed abdelaziz 05-10-2011 06:05 PM

رد: اساس مشكله جوان وش السلندر المتكرره في السيفيا
 
ألف شك على الموضوع أخى Sharooo أنا بعانى من نفس العيب دة فى عربيتى فممكن لو سمحت تقولى الموضوع أتكلف كام وعنوان جمال مهران الى أنت رحتلوا فين ؟؟ والف شكر

walidelwahsh 05-10-2011 07:22 PM

رد: اساس مشكله جوان وش السلندر المتكرره في السيفيا
 
yesyesyesyesyesyesyesyes

ahmed abdelaziz 06-10-2011 10:24 AM

رد: اساس مشكله جوان وش السلندر المتكرره في السيفيا
 
أنا على فكرة يا جماعه رحت لجمال مهران أمبارح وحللى مشكلة فيوز المروحه أنوا عملى كوبرى ليها .. وهو قاللى إن مفيش منها أى ضرر حقيقة الأمر مازال تحت التجربه . ولو حد عندوا رأى تانى ... بالإضافه إنوا غيرلى لنض التابلوه لأن كانت فيه لمبه محروقه وكان عداد البنزين مبيجبش قراءه صحيحه فنظف المؤشر وبردوا مازال .. تحت التجربه ...

وفى الأخر أخد 40 جنيه وهو بصراحه راجل زوق ..


الساعة الآن 09:22 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017