مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   أطقم الصوت والمالتى ميديا (https://www.masrmotors.com/vb/forumdisplay.php?f=125)
-   -   ** اللي عايز شاشة ملاحة و مالتي ميديا متكاملة داخل تابلوه عربيته ** (https://www.masrmotors.com/vb/showthread.php?t=24738)

Ahmed Anwer 26-04-2010 05:18 PM

** اللي عايز شاشة ملاحة و مالتي ميديا متكاملة داخل تابلوه عربيته **
 
أنا طبعا و كلنا بنحلم يكون عندنا شاشة ملاحة و حركات و دي في دي

و تاتش سكرين في التابلوه زي العربيات الفخمة ،،

طبعا المشكلة ان كل عربية بيكون ليها شكل معين

و نضطر نركب اللي بيركب علي الزجاج و بيكون شكله مفتعل جدا غير انه مغري للسرقة

و انا بقلب علي النت وصلت لشركة عندهم الوحدة دي لمعظم موديلات السيارات الحديثة في مصر و بتيجي بكافة مشتمالاتها يعني تفك التابلوه و تركب

و ده موقع الشركة

http://www.videobusegypt.com/

الجهاز ممكن يكون بجي بي اس أو بدون

طبعا بدون ارخص

و الاتنين فيهم كافة الامكانيات بلو توث ، تاتش سكرين ، دي في دي ، ممكن توصل عليه كاميرا ،،، الخ

الاسعار أنا سألت بس علي بتاع الستيروين سي 4 ،، ب 3600 بجي بي اس

و ب 3000 بدون ،، و ده شامل التركيب

و دي اغلي نوعية عندهم هيا و البيجو لأن العربيتين دوول ليهم سوفت وير بيطلع بيانات العربية علي الجي بي اس بيتوصل بكمبيوتر العربية يعني

بتاع الالنترا مثلا ب 2750 جنية بدون جي بي اس

الصناعة صيني و لكن علي كلامه جودة ممتازة و تكنولوجيا عالية و ضمان سنة

و بيقول ان معظم التوكيلات معتمدة الجهاز بتاعهم

السوفت وير للجي بي اس ،، Igo ،، بأحدث الخرائط و بتوجيه صوتي و باحدث سوفت وير ملاحة


الاسعار دي ممكن تقل لأن دي أسعار سؤال في التليفون


و ممكن يطلبلك جهاز معين لماركة عربيتك لو مش عندهم


السعر انا شايفه كتير شوية بس مقارنة انه هياخد نفس شكل التابلوه و هيكون كأنه أوريجنال مع العربية فدي ميزة جامدة جدا و اضافة جامدة لانتريورالعربية

mansoub504 26-04-2010 05:36 PM

رد: ** اللي عايز شاشة ملاحة و مالتي ميديا متكاملة داخل تابلوه عربيته **
 
والله يا احمد باشا موضوع جميل
بس انا عاوز اسأل سؤال بس متضحكش يا ريت
انا معايا سيات وكنت هاجيبلها جي بي اس بتاع سيراتو وطبعا مش هيجي بفيشه الضفيرة اقص واركب ولا ادور علي فيشة الضفيرة بتاعته احسن

hazem_khidr 26-04-2010 07:14 PM

رد: ** اللي عايز شاشة ملاحة و مالتي ميديا متكاملة داخل تابلوه عربيته **
 
شكرا يا احمد باشا علي الخبر
انا بفكر اركب في اللانسر عندي بس مكنتش عاوز اللي في الشماسه
يا رب الاقي عندهم ولما فتحت السايت لقيت ان لهم فرع عندنا في المحله فاتح بقاله فتره بس عمري ما فكرت اني ادخل ابص علي اللي عنده
لانه من الاسم فكرته انه بتاع اتوبيسات بسptmnlo123per1106

_amr.mostafa_ 26-04-2010 10:17 PM

رد: ** اللي عايز شاشة ملاحة و مالتي ميديا متكاملة داخل تابلوه عربيته **
 
معلش بس سؤال واحد

يعني ايه بيكون فيه بلوتوث

Ahmed Anwer 27-04-2010 12:31 AM

رد: ** اللي عايز شاشة ملاحة و مالتي ميديا متكاملة داخل تابلوه عربيته **
 
أ / mansoub504,

معرفشي الصراحة حاجة عن الحكاية دي ،،

حازم باشا ،،

انتا لو التابلوه عندك فيه مكان لكاسيت دبل دين ،، فأنتا ممكن تركب اي جهاز عادي لأني معتقدشي ان الكريستالة تابولوها معمول بطريقة العربيات الجديدة ان كل حاجة ليها شكل معين تاخده

د/ عمرو ،،

البلوتوث ،، زي الموبايل كده ،، وسيلة اتصال يعني تبعت ملفات و تستقبل ملفات

و ممكن تشغل من علي الموبايل علي الجهاز

و طبعا اهم حاجة انك تقدر تستخدم التليفون من خلال الجهاز يعني يبقي كأنه كار كيت


الساعة الآن 02:29 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017