مصر موتورز مجتمع السيارات - مشكلة اوكتافيا 2004 اتوماتيك

السلام عليكم ورحمة الله وبركاته
محتار وزهقان جدا وياريت حد يساعدني
العربيه 1.6 اتوماتيك والمشكلة بأختصار
لما تدي العربيه ال D مبتتحركش من مكانها
لازم تديها بنزين بشويش اوي واحدة واحده علشان تتحرك لكن بعد ما تتحرك كله تمام ) السحب ضعيف حبتين (
لكن لو في مطب وهديت العربيه ترجع نفس القصه تاني
لازم بنزين بالهادي خالص
لو ضغط جامد مش بسمع رد في الماتور اصلا.

النقطه التانية اني لما بدي العربيه 1_2-3
العربيه بتطلع عادي
ولكن برضه كبس البنزين مش بيسمع في الماتور... لازم بشويش

الميكانيكي قال عيب طرمبة بنزين...غيرتها بأصليه وبرضه مفيش حاجة اتعدلت.
بعدين قال ممكن حساس البنزين فيه حاجة... غيرته وبرضه مفيش جديد

احد الاصدقاء جالي مرة وشال كابلات البطاريه لمدة 10 دقايق تقريبا وبعدين وصلها تاني
والعربيه اتحركت تمام وسحبت *** اكتر من الاول بكتير ***
وقالي ان الموضوع سوفت وير العربيه
ولكن يومين ورجع نفس الموضوع.

مش عارف اعمل ايه بجد