ألقول الفصل فى استهلاك الjac b 15
 

انا حسبت مرتين لاستهلاك البنزين مرة قبل صيانةالالف
ومرة بعد صيانة الالف
والعربية الان عاملة 1600 كيلو

المرة الاولى
190 كيلو استهلكوا بالظبط 13 لتر
يعنى بمعدل استهلاك اللتر الواحد يعمل 14.5 كيلو
ودة فظروف متوسطة يعنى شوية طرق سريعة على شوية وسط البلد وشوية بتكيف وحبة من غير تكيف وهكذا
يعنى ظروف متوسكة فى كل شئ
المرة الثانية
340 كيلو استهلكوا بالظبط 25.5 لتر
يعنى بمعدل اللتر الواحد يعمل 13.5 كيلو
وفنفس الظروف الى فاتت بالظبط
ودة كلو والعداد 1600 كيلو يعنى اعتقد هيقل بعد كدة كمان
عموما انا قلت احط كل حاجة قدامكوا وانا بصراحة معرفش الاستهلاك عالى كدة ولا قليل
هو كدة تقريبا ال100 كيلو بيستهلكوا 7.5 لتر
وشكرا جدا والسلام عليكم

رد: ألقول الفصل فى استهلاك الjac b 15
 

إستهلاك معقول جدا و هيتحسن بعد فترة أكتر كمان

رد: ألقول الفصل فى استهلاك الjac b 15
 

كده الاستهلاك كويس قوى ومبروك عليك انا عندى الالنترا افضل فى الاستهلاك بس مش فارق جامد
استمتع بعربيتك ياباشا ربنا يباركلك فيها وهى شكلها عاجبنى قوى

رد: ألقول الفصل فى استهلاك الjac b 15
 

متشكر جدا يا جماعة على الردود
والعربية الحمد الله جميلة جدا مريحة الحمد الله

رد: ألقول الفصل فى استهلاك الjac b 15
 

متشكرين يا باشا
ونورت المحكمة
ودة استهلاك معقول فى فترة التلين
وبعد كدة حيقل كمان
والف مبروك على السيارة
وربنا يملهلك بركة