مطلوب طقم شنبر؟؟!!!!!
 

معلش حسرد الموضوع من البداية
كنت مركب فلتر 8خرم وانا بغير الزيت وبعدها بيومبن لمبة الزيت نورت خرجت مشوارين على كدة ولمبة الزيت منورة وبعدها لقيت دخان أبيض كثيف جدا بيخرج من الشكمان رحت للميكانيكى قاللى العيب فى الفلتر كان بياخد زيت وميوصلش للموتور وبكدة الموتور عايز طقم شنبر.
ميكانيكى تانى رأية اغير الموتور واجيب موتور استيراد وكدة لان فيه بوجية كل شوية بيجيب زيت وعملتله كرسى مؤقتا لان الزيت فعلا بينقص بسرعة.
ايه رايكم ياريت تساعدونى بآرائكم وخبراتكم السابقة؟ طقم سنبر ولا موتور جديد
وياريت لو حد يعرف ميكانيكى متخصص سكودا اروحلة .
ولا اروح للتوكيل

رد: مطلوب طقم شنبر؟؟!!!!!
 

بالعكس

دا كده الصح

فلما نمسك خيط الجريمه من البدايه

هنعرف نحلل أبعادها صح

خللى بالك من حتة بعدها بيومين دى .....علشان هنحتاجها بعدين

طبعا غلط أنك تمشى بالسياره ولمبة الزيت منوره

وخصوصا أن السبب عندك واضح

وهو خروج عادم كثيف أبيض من نهاية ماسورة الشكمان

وهذا بدون شك ....بسبب إحتراق الزيت بغزاره داخل غرف حريق المكنه

طيب الزيت ده

كان بيدخل منين للغرف ...............؟

هنعرف من خلال كلام الميكانيكى التانى

------------------------

نطلع من كده بإيه ................؟

1- فلتر الزيت ليس سببا فيما حدث معك ....وبناءا عليه

كلام الميكانيكى الأول غير سليم

دا غير حتة ( بعدها بيومين )

لأنك أكيد خرجت بالعربيه ( خلال اليومين دول )

وفلتر الزيت لو فعلا خانق سريان الزيت علشان اللمبه تنور

كانت بانت فورا مع رجوعك حتى من عند بتاع غيار الزيت والفلتر

2- كلام الميكانيكى التانى ....أيضا غير دقيق

فى طلبه منك تغيير الموتور بآخر إستيراد

فليس كل من حدث معه تلف لكاوتش الصباب يقوم بتغيير المحرك أو حتى عمل طقم شنبر لللموتور

------------------------

والآن

ماهو الحل

بعد أن تجاوبنى على سؤالين فقط

هقولك تعمل إيه ............؟

- هل المكنه كانت بتاكل معاك زيت قبل الفيلم اللى فات ده .....؟

- هل بتقابلك مشكله فى سحب وتسارع السياره مع وجود إستهلاك كبير فى البنزين منذ فتره كبيره

( أى قبل تغيير الزيت والفلتر ) .............؟

أنا منتظر ردك

رد: مطلوب طقم شنبر؟؟!!!!!
 

شكرا يا باشمهندس للإهتمام
وفعلا هى كل المشكلة دلوقتى العربية كانت بتلت علشان البوجية وبعد حوالى 85 كلم زودت كيلو الا ربع زيت.
وردا على سؤال حضرتك لا مكانش فيه مشاكل فى الزيت قبل كدة .
واستهلاك البنزين مازال طبيعى حتى بعد الموضوع ده
وبالنسبة للسحب العربية اتظبت بعد موضوع كرسى البوجية وتركيب بوجية سن قصير لانها كانت متلتة زى ما بيقولوا
وربنا يسمع منك ويكون فيه حل بسيط

رد: مطلوب طقم شنبر؟؟!!!!!
 

طيب الحمد لله

ويوجد حل بسيط وغير مكلف

كالآتى

1- هنحل كارتيرة الزيت للإطمئنان على سبائك الكرنك

لأن اللمبه نورت وأنت مشيت عليها

2- هتحل وش السلندر وتغير كاوتش صباب بعد ماتطمن على الخلوصات بين سيقان الصبابات

ودلايلها بوش السلندر .....وبالمره وأنت حالل هتعمل روديه طبعا مع نظافة مجارى دورة التبريد

ببلوك المحرك

................

ولو طلعت السبايك تمام وخلوص الصبابات تمام

مش هتتكلف كتير فى العمليه دى

نقول

200 ج

يرجعولك المكنه عشره على عشره ( مصنعيه + كاوتش صباب + جوان الوش )

-------------------------

ولو كمان

حبيت تغير سير الكاتينه وأنت حالل الوش ( لقرب موعد تغييره )

هيبقى أفضل

----------

آه نسيت

هنلغى جزئية الكاتينه ...لأننى على ما أتذكر السير عندك من الجنزير

وليس من الكاوتشوك

رد: مطلوب طقم شنبر؟؟!!!!!
 

الف شكر لاهتمام حضرتك
انا بالفعل كنت لسه مغير سير الكاتينة بالتروس وكمان طنبورة كرنكمن حوالى شهرين قبل موضوع الزيت ده ما يحصل.
طيب ياباشمهندس متعرفش ميكانيكى كويس ينفذ الموضوع ده ولا التوكيل يكون احسن.
معلش اصلى مستخدم جديد للسكودا