مصر موتورز مجتمع السيارات - اي حد عنده استفسار عن ضريبة المبيعات للسيارات

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - اي حد عنده استفسار عن ضريبة المبيعات للسيارات (https://www.masrmotors.com/vb/showthread.php?t=14543)

اي حد عنده استفسار عن ضريبة المبيعات للسيارات

اي حد عنده استفسار عن ضريبة المبيعات للسيارات خصوصا واي شئ يخص ضريبة المبيعات انا تحت امره

رد: اي حد عنده استفسار عن ضريبة المبيعات للسيارات

ياريت تدينى فكرة عن الضريبة ولو فليشيا موديل 2000 ضريبتها تبقى كام وشكرا لحضرتك

رد: اي حد عنده استفسار عن ضريبة المبيعات للسيارات

سيارة فيليشيا موديل 2000 معناها انها مستعملة فلو سيادتك هتشتريها من شخص هنا لا يوجد ضريبة حيث انه لن يعطى لك فاتورة ام ان كنت هتشتريها من شركة مثلا وهتدفع الضريبة على المبيعات يكون هنا وعاء الضريبة عبارة عن 30% من الثمن المتفق عليه والفئة الضريبية تتوقف على السعة اللترية للسيارة فاذا كانت السيارة حتى 1600 سي سي تكون الفئة الضريبية 15%
يعني تبقى الضريبة الاجمالية = ثمن البيع ×30%×15%
اما اذاكانت الفئة الضريبية من 1601 الى 2000 سي سي تكون الفئة الضريبية 30%
وفي حالة استيراد السيارة
يكون وعاء الضريبة هي القيمة سيف الواردة من الجمارك وهي ( القيمة النهائية + ضريبة الجمرك )
والضريبة على حسب السعة اللترية كما سبق شرحة ولكن بكامل القيمة

رد: اي حد عنده استفسار عن ضريبة المبيعات للسيارات

انا متشكر لحضرتك جدا على المعلومات القيمة - طب بعد اذنك انا كنت ناوى اشترى فليشيا موديل 2000 من واحد لما آجى ارخص اية هيا المبالغ اللى حدفعها للمرور عند الترخيص - آسف اذا كنت حتعب حضرتك معايا

رد: اي حد عنده استفسار عن ضريبة المبيعات للسيارات

تختلف قيمة الضريبة المدفوعة للتجديد بالمرور على حسب السعة اللترية للسيارة بغض النظر عن سنة الصنع - ولكن اعتذر عن عدم معرفتي بالقيمة المحددة لاني ليست في مجال تخصصي .
ولكن الاسبوع الماضي كنت برخص عربية سكودا اوكتافيا 1600 سي سي اجمالي المبالغ اللي دفعتها كانت حوالي 1300 جنيه لترخيص 3 سنوات .