مشكلة فى الكارونة عايز مساعدة
أولا انا مكنش عندى فكرة اطلاقا عن الكورونة قبل ما تحصلى المشكلة و اتعلمت شوية من قرائتى من المنتدى دة و فعلا فى ناس شاطرة اوى و عارفة هى بتعمل ايه
علشان كدة انا قولت اقول المشكلة بتاعتى و اكيد هلاقى اللى هيساعدنى فيها. انا معايا شاهين 1300 موديل 96 انا كنت ماشى على الدائرى و فجاءة تحس ان العربية فرملت لوحدها او قفشت كدة و فقدت السيطرة على الدريكسيون بس الحمد لله كنت على اليمين و سبت العربية تقف لوحدها و جت سليمة و العربية دارت عادى بعد كدة و مشيت بس بصوت تخبيط رهيب من تحت العربية. مشين بيها على التانى لحد اقرب ميكانيكى فى العاشر و قالى بلية كورونة و جبت طقم البلى و الراجل غيره و قالى حط زيت و الصوت هيروح و رحت حطيت زيت و الصوت فضل موجود و بيزيد مع التسارع و رجعت للميكانيكى و سمع الصوت و قالى امشى بيها مشوار و هتبقى تمام. مشيت انا على الدائرى تانى و حصل نفس الفرملة و القفشة تانى بس المرة دى العربية لفت لفتين حوالين نفسها و وقفت وشها فى وش اللى جاى ( 180 درجة ) بس الحمد لله مكنش فية عربيات ورانا. المهم انا متعقد من العربية اللى كانت هتموت عيلة كاملة و مش عايز اركبها من غير ما اتاكد مليون فى المية ان العربية بقت تمام. انصحونى بعد اذنكم اعمل ايه و اروح لمييييين ؟ |
رد: مشكلة فى الكارونة عايز مساعدة
الكارونه متتصلحش عند أى ميكانيكى
لازم واحد متخصص كوارين أو على الأقل متخصص شاهين (دفع خلفى) و الأفضل إنك تجيب كارونه استيراد غيرها لسبب بسيط: إصلاح الكارونه لو مش عند متخصص و محترف يبقى فلوس و إترمت على الأرض دى بيانات أكتر صنايعية متخصص فى الموضوع ده (من كلام الناس إللى جربتهم) اقتباس:
|
رد: مشكلة فى الكارونة عايز مساعدة
الاستاذ زينج جاب من الاخر ....
بس لازم حضرتك تعرف سبب المشكلة دى ايه !!! البلية بتبوظ ليه ؟؟!! راكبة غلط . و لا موصلهاش زيت من الكارونة ؟ و لا الكردان نفسه فيه حاجة ؟ و لا الكارونة فيها حاجة ؟؟ ربنا يستر طريقك ... حاجة زى كدة كانت ممكن تعمل مشاكل كتيرة ... قدر الله و ما شاء فعل |
رد: مشكلة فى الكارونة عايز مساعدة
شكرا جزيلا استاذ زينج و انا فعلا رحت لسلامة و غير الفارغة زى ما بيقولوا و غير شدادين خلفى و جربت العربية امبارح بس لسه فى ونة خفيفة على الرابع و الخامس و هرجع لسلامة بس بعد العيد ان شاء الله ( هل هيبقى فى مشكلة انى امشى بيها كدة ؟ )
استاذ احمد شكرا جزيلا و المشكلة ان صوت الونة الخفيفة اللى موجود دلوقتى كان موجود من شهر و ميكانيكى قالى ان الشكمان منفس و لما حصل اللى حصل الميكانيكى اللى فتح الكورونه قالى مفيهاش ولا نقطة زيت مع العلم انى حاطط زيت و مغير جوان قبلها ب 3 شهور تقريبا |
رد: مشكلة فى الكارونة عايز مساعدة
كدة الامور واضحة .... فيه تسريب زيت ... و ده الى خلى البلى باظ ... و كمان ممكن تكون التروس اتاكلت شوية و ده هو الى بيعمل الونة
حضرتك لازم تشيك كل فترات متقاربة على زيت الكارونة ... و فى الغالب بيكون بيسرب من واحد من 3 :- جوان غطاء الكارونة ..... اويل سيل الكارونة .... نفس الكارونة ( لو ليها خارج للنفس ) |
رد: مشكلة فى الكارونة عايز مساعدة
ارجع لسلامة النصاب وقله الكرونة بتون هيغيرهالك على حسابه
أخد منك كام ؟؟؟؟؟؟؟؟؟؟ |
الساعة الآن 02:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017