المشاركة الأصلية كتبت بواسطة elsheikh2010 (المشاركة 524836)

أخي العزيز معايا فيرنا 2011 1600 مانيول المهم من فترة المؤشر البنزين كان نازل شوية روحت مفول وبادور العربية لقيت المؤشر مش راضي يرفع ولكن بعد كام مشوار رفع ووصل لعلامة f رحت التوكيل عشان اعمل صيانة 5000 وقلتلهم عليها راحو مغيرين العوامة ومن هنا ظهرت المشكلة أولا بعد ما افول مؤشر البنزين بيرفع وبيعدي علامة f كأنه هايطلع من العداد والي يضحك ان المؤشر كان فوق النص بشوية رحت مفول لقيت عامل البنزين بيقولي 27 لتر قلت ازاي والمؤشر فوق النص وتانك الفيرنا 45 لتر قلت في نفسي ياريتني ما قلتلهم عليها في التوكيل دول بدل ما يكحلوها عموها ( توكيل الغردقة ) ده كانت اشتغلت ..... يا جماعة حد فيكم قابلته المشكلة ده وحلها ازاي ؟؟ ... وكمان سؤال هو تركيب عوامة جديدة محتاجة ظبط معين مع المؤشر ولا لالالا ؟؟؟... عشان عمنا غبور ساعات بيشغل صنايعية مش قد كدة عشان يوفر والسلام لأن الصنايعي الي كان شغال في عربيتي كان شاب صغير وكان غرقان في شبر ميه زي ما بيقولوا

المشاركة الأصلية كتبت بواسطة elsheikh2010 (المشاركة 525478)

الف شكر يا صديقي بس انا انا شفتهم وهما بيغيروا حاجة فيها جابوها من المخزن فهو السؤال هل تركيب عوامة جديدة محتاجة ظبط مع المؤشر
اخيك محمد الشيخ من البحر الأحمر ويشرفني صداقتك

المشاركة الأصلية كتبت بواسطة tatoo (المشاركة 525519)

يا باشا
انا عندي استفسار مهم جدااااااااااااا
عربيتي الفيرنا اوتوماتيك 2004 كوري مش بتدور من اول مرة لازم مرتين او تلاتة عشان تدور وغيرت كل حاجة بوجيهات واسلاك بوجيهات وفكيت المارش وغيرت البطارية وبرده مش عارف مالها

المشاركة الأصلية كتبت بواسطة owner (المشاركة 525380)

السلام عليكم
لو سمحت كنت عايز اسال على حاجة
انا معايا فيرنا فيفا موديل 2009 وجبتلها من كام يوم فوانيس شبورة من عندى من اسكندرية ب 90 جنيه ومعاها الزرار بتاعها ب 35 وكنت عايز اركبلها زينون اللى هو لونة تلجى ولما بييجى يفتح بيبقا نورة قليل وبعد كدة بيزيد اشتريه منين لانى سالت وحاسس انهم عايزيين يبعولى اى حاجة وخلاص وياترى الزينون فى الفوجات الصينى بيسيحها ولا ايه معا انى هيبقا مش مشغلة على طول