مصر موتورز مجتمع السيارات - ازاي تعرف ان عربيتك محتاجه تقوية نور ؟؟!! انا اقول لك

بسم الله الرحمن الرحيم
الموضوع سهل جدا و بسيط
بس هنحتاج ادوات علشان ما تعملش حاجه غلط في العربية
هنحتاج لمبة او جهاز مالتي ميتر ( ناس بتسمية افو ميتر )
و هتيجي بالليل علشان تحس بفرق النور
هتلاقي لمبة العربية راكب فيها من الخلف فيشه ثلاثية يعني ب 3 اسلاك
هتفك فيشة مثلا اللمبة اليمين و تشغل النور و تحط طرف الافوميتر علي السالب بتاع البطارية و الطرف التاني علي ارجل الفيشة بالتبديل و انتا علي وضع قياس الفولت الثابت في الافونميتر ) و ده علشان الاطراف اللي هتدي قياس 12 فولت تبقي الموجب و الطرف اللي مش هيدي قياس يبقي السالب بص انتا هتلاقي طرف واحد اللي هيقيس معاك لانك منور يا اما النور العالي يا اما الواطي و مش الاتنين في نفس الوقت فطبيعي طرف هيكون ارضي و الطرف التاني هيكون النور اللي شغال طيب لو مفيش افو ميتر هنجيب لمبة صغيرة 12 فولت و نربط فيها سلكين في اطرافها و احد هيوصل بالطرف السالب للبطارية و التاني هنختبر بيه لما اللمبة تنور يبقي هوة دة الطرف اللي هنشتغل عليع
نيجي بقي لموضوعنا بعد ما حددنا الطرف اللي هنجرب بيه
هنوصل فيه سلك و نرجعه مكانه في اللمبة و طبعا و اللمبة منورة هنحطه علي طرف البطارية الموجب و نشيلة اكتر من مرة و بكده احنا هنشوف لو فيه اي زيادة في النور لما بنحط السلك و لو ضعيفه يبقي عربيتك محتاجه كتاوت لو مفيش اي تغيير يبقي تركيب الكتاوت مش هيعمل فايدة

علي فكرة احنا في العملية دي بنبقي بنوصل اللمبة مباشر علشان نشوف لو فيه اي تهريب ناتج من الدراع او التوصيلات

ضروري جدا تحديد الطرف الذي سوف يتم التجربة عليه و عند توصيله بسلك عدم جعله يلمس جسم العربية لانه هيبقي فيه كهربا علشان ماتحرقش الفيوزات الخاصه بالنور كل اللي هتعمله هتلمسة بالطرف الموجب للبطارية بس مش السالب و مش جسم العربية .
و اي خدمة
م / سامح ليله