حاجات غريبه في الماروتي! لازم نعرف بتاعة ايه
 

انا من حوالي عشرة ايام كنت فاكك التبلوه عندي علشان ازود العزل بتاع الماروتي بتعتي.
لقيت جهازين شكلهم غريب وحجمهم صغير
واحد مكتوب عليه controller assy fuel
http://www6.0zz0.com/2012/10/31/14/610025938.jpg

مكانه تحت الدركسيون علي طول



وواحد تاني مكتوب عليه noise filter
http://www6.0zz0.com/2012/10/31/14/931516442.jpg

ومكانه تحت التبلوه في النص مكان الدفيره الكهرباء وهيا خارجه للماتور



وكمان لقيت فيشه في الضفيره مش واصل فيها حاجه
http://www6.0zz0.com/2012/10/31/14/622852272.jpg

في الدفيره وهيا خارجه من القائم الشمال بتاع باب السواق وبصراحه ده مش عارف رايحه فين

:12B1B3~136:

وفيه خرطوم ابيض شكله بتاع هواء وكمان فيه علبه بلاستيك ورا في الشنه تحت الرفرف الشمال فوق زور التنك طالع منها خرطيم رايحه فين جايه منين مش عارف
يا ريت لو حد عنده اي معلومات عان الحاجات ده يقولنا عليها خاصة ان مفيش اي معلومه مكوبها عليهم في الكتالوج بتاع السياره

رد: حاجات غريبه في الماروتي! لازم نعرف بتاعة ايه
 

الجزء الأول (Controller Assy Fuel) خاص بالتحكم نظام الوقود في حالة لو مركب موتور إنجكشن ومعاه طلمبة بنزين كهرباء

والجزء التاني (Noise Filter) ده علشان التشويش اللي بيعمله الموتور على عمل الأجزاء الإلكترونية زي الراديو وكارتات الكمبيوتر في المواتير الإنجكشن

الجزء التالت (الفيشة في القايم) استخدامها يعتمد على حسب الأسلاك المتوصلة عليها، بس أتوقع تكون بتاعة سخانات الكراسي في الشتا


طبعا اللي أنا بقوله ده مش موجود طبعا في أي ماروتي في مصر... بس دايما العربيات الياباني بتركب أجزاء زي دي وبتوحدها في الموديل الواحد .. إنما الموتور هو اللي بيتغير حسب الطلب

بالنسبة للضفاير برضو بتتوحد بدون وضع الأوبشنز اللي حتركب في الاعتبار.


في الكريسيدا اللي كانت معايا (موديل 82) كان فيها جزء مكتوب عليه (Fuel Injection) في علبة الفيوزات... مع إن عربيتي كانت كربيراتير... بس كان بينزل عليها موتور ديزل (إنجكشن) في أسواق أوروبا.


كده لو حضرتك فكرت تركب موتور إنجكشن أو حتى تركب كارتة كمبيوتر يبقى ماعندكش مشاكل :)


...

رد: حاجات غريبه في الماروتي! لازم نعرف بتاعة ايه
 

مهندس borio1704 اشكرك علي سرعة ردك
انا اول ما قرأت الكلام فرحت اوي قولت ايه ده انا عربيتي متطوره للغايه هههههههههههههههههه
بس انت كده فهمتني الحاجات ده بتاعه ايه علشان لوحصل خلل في العربيه اكون عارف وظيفهه كل جزء لاني اول مره اشوف الحاجات ده وواضح انها مبتتغيرش لانها في مكان مستخبي جوا التبلوه
اشكرك مره اخري علي التوضيح

رد: حاجات غريبه في الماروتي! لازم نعرف بتاعة ايه
 

هههههههههههههههههههههه...
كارتة كمبيوتر..وسخانات ف الكراسي ... دحنا جامدين اوي بقي...:01F6EB~150:

رد: حاجات غريبه في الماروتي! لازم نعرف بتاعة ايه