الاضاءة في الفيات اونو واطية جداً .. ايه السبب ارجوا المساعدة
 

السلام عليكم ورحمة الله وبركاته

معايا فيات اونو والاضاءة الامامية والخلفية بتاعتها بما في ذلك الاشارات واطية جداً .. مش عارف ايه السبب ؟
مع ان البطارية وباقي كهرباء العربية زي الفل ..
ممكن اعرف طريقة اعلي بيها النور ؟ وعايز اعرف هل ممكن يتغير لمبات الفوانيس الامامية ؟ وما هي افضل لمبات للفوانيس الامامي ( نوعها وسعرها ) .. ارجوا المساعدة علماً بأني بسافر بالعربية من اسكندرية لبرج العرب ليلاً . . وشكراً واسف علي الاطالة

رد: الاضاءة في الفيات اونو واطية جداً .. ايه السبب ارجوا المساعدة
 

وعليكم السلام السلام ورحمة الله وبركاته

شوف يا استاذ: it_elias

بالنسبة للنور الأمامي هتروح لكهربائي كويس يغير اللمبات الأمامية بلمبات أقوى (زي لمبات 260 وات ممتازة), وبيركب كمان كتاوت تقوية عشان شدة الإضاءة تزيد وكمان عشان متحملش على دراع النور وبالتالي هيسيح وكمان عشان الفيش بتاعت اللمبات متسيحش.

الموضوع ده هيتكلف بالكتير 180 جنيه حسب الحاجات المطلوبة من أسلاك وكتاوت ولمبات وخلافه.

المهم بعد كده شوف بقى النور هيبقى عامل ازاي وهتدعيلي.

بالنسبة بقى للأنوار الخلفية والإشارات: مش عارف والله يمكن يكون شحن الدينامو ضعيف مثلا.

إن شاء الله الأعضاء يفيدوك أكتر مني.

وربنا يستر طريقك وطريقنا جميعا يارب.

:01FDAB~189:

تقبل تحياتي,

رد: الاضاءة في الفيات اونو واطية جداً .. ايه السبب ارجوا المساعدة
 

والله يا معالي الباشا الصقر_الجارح انت جزاك الله كل خير . . . واشكرك علي المعلومة بس لو تساعدني اكتر او اي حد من الاعضاء الافاضل يساعدني بماركة كويسة للمبات اجيبها وكمان الكتاوت ومعلش سامحوني في الاسئلة عشان ياما الواحد اخد مقالب من الصنايعية يا اما مهنياً او مادياً !
وبالنسبة لباقي الانوار هو اكيد محتاج تظبيط مش اكتر عشان انا اكتشفت ان في لمبة اشارة شغالة عالية وكويس قوي بغض النظر عن الباقي .. اشكرك سيدي الفاضل وتقبل مني خالص الشكر والتقدير